E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Alfred Cako zbardh dosjen e spiunit "I.M."

21 Shtator 2022, 14:23, Aktualitet CNA

Alfred Cako gjatë një daljeje televizive, së fundmi ka paraqitur një version lidhur me dosjen e spiunazhit "I.M.", e cila ka bërë bujë dhe vijon të elaborohet në tryeza politike dhe në media.

Ai shprehet se Ilir Meta(j) (kreu i PR) nuk ka qenë bashkëpunëtor i sigurimit, por dëshmitar. Në analizën e tij ai sqaron se dëshmitari nuk duhet kapur, pasi të tillë ka pafund në Shqipëri, e për më tepër nuk ka një ligj që kap dëshmitarët, vetëm nëse nxirret qëllimisht për të eliminuar elementë të caktuar.

“Unë kam bërë një projektligj kur kam qenë deputet, është projektligji Cako dhe Ndoka, e ka bërë unë, por i vetmi që më ka mbështetur ka qenë vetëm Nard Ndoka dhe nuk kaloi vetëm për një votë në Parlament. Unë tashi jam marrë një çik me dosjet se kam qenë anëtar i komisionit të rendit dhe SHIK-ut dhe pak a shumë e di si funksionon kjo punë. Bëhen disa dosje, Meta njëher nuk ka qenë bashkëpunëtor. Meta dyshohet se ka qenë dëshmitar dhe nuk e di nëse këta mund të fusin ligjin që dhe dëshmitari të ketë kufizime për atë që ka qënë në atë kohë.
Në dijeninë time ka pasur një Ilir Meta në klasë ku ka qenë Ilir Meta (kreu i PR) në shkollën e Ekonomikut, një djalë nga Librazhdi të cilin unë e njoh dhe Ilir METAJ (kreu i PR). Jo më kot Berisha doli një herë dhe mbrojti Ilir Metën dhe tha nuk bëhet fjalë për Ilir Metajn, por Ilir Metën një person që jeton në Librazhd.
Nëse dikush u thirrte në bashkëpunim dhe jepte informacion, informacioni jepej me karbon me disa kopje, njëra ngelej te dosja e atij që raportonte, pra bashkëpunëtorit, dy të tjerat iknin njëra te dosja e lepurit që ndiqnin, dhe një kopje e këtij lepurit shkonte në ministri. Mund ta kenë zhdukur (nuk e di të vërtetën), mund të ketë ndodhur që bashkëpunëtorët kanë zhdukur dosjen e tyre, pra bashkëpunëtori merr dosjen e vet, kur ka akses dhe e djeg, mirëpo emri i tij, ato karbonet kanë ngelur në dosjet e viktimave që i kanë gjuajtur. Dhe ky dokument flitet që ka ngelur në dosjen e një njeriu që është dënuar dhe sipas pretendimeve ka marrë pjesë. Këta socialistët pas shpjegimit që dha Berisha, dolën dhe thanë që nuk është vetëm një I.M., por janë dy si dëshmitarë dhe specifikohet 'shokët e klasës'. Aty specifikohet që bashkëpunëtori nuk tregohet kush është, pra ai që ka spiunuar, bashkëpunëtori i sigurimit është i mbrojtur, këta që janë dëshmitarë që kanë qenë aty kur dikush ka thënë 'Unë do arratisem', kur i ka thirrur sigurimi dhe i ka pyetur 'Do arratiset Manushi' 'Po i ka thënë ky'. Dhe kjo është akuza mendohet që i bëhet që i bëhet Metës. Por unë mendoj se një dëshmitar nuk duhet të kufizohet, se dëshmitarë ka me qindra mijëra në Shqipëri. Bashkëpunëtori mbrohet, nuk dihet bashkëpunëtori që e ka thurur këtë intrigë, ndërsa dëshmitaret duan që t’i ndalojnë. Pra, ky është një ligj 'Tylon Made', e bërë sipas rrobaqepësit, për të përjashtuar disa njerëz dhe këto sigurisht që i bën rruga e ambasadave dhe këtu ka një luftë mes globalistëve dhe nacionalistëve, që nacionaloistët të mos kenë influencë në politikën shqiptare.”- shprehet Alfred Cako./CNA.al