web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca "dush të ftohtë" politikës/ “Pushteti lokal, përtej të majtës dhe të djathtës”

21 Shtator 2022, 19:59, Aktualitet CNA
Gjergj Luca "dush të ftohtë" politikës/ “Pushteti
Biznesmeni dhe sipërmarrësi Gjergj Luca

Biznesmeni dhe sipërmarrësi Gjergj Luca ka përcjellë mesazhe të forta për rininë dhe leksione për politikën.

Gjatë një fjalimi me nota të forta dhe ide të qartë se si duhet të jetë sot politika dhe çfarë duhet të mësojë rinia për të ecur përpara, biznesmeni vuri theksin tek pushteti lokal, që sipas tij është më i rëndësishëm se ai qendror dhe duhet të shkojë përtej të majtës dhe të djathtës.  

“Pushteti lokal duhet të jetë një pushtet përtej të majtës dhe të djathtës. Pushteti lokal nuk ka partitë e këtyre qenve që në vitin 90.

Në Shqipëri ka qenë një rrenë e madhe, që mua më vjen mirë ta them për të rinjtë, që nuk e njohin historinë e Shqipërisë, ose e shohin mbrapsh dhe heronjtë që kanë pas viteve 90 janë fallco, janë rrenë, sepse në vitin 90 partia që duhet të luftonte komunizmin, ishte parti më e egër komuniste se sa partia e Punës.

Gjithë ky rrugëtim 30 vjeçar me djegien e Shqipërisë dhe me të gjithë historitë e tjera se ça ndodhën në këtë vend deri tek kjo krizë që ka e djathta, e djathta ime, tregon se ajo ka qenë një vezë e prishur që në fillim.

Që i vunë qentë sipër për ta mbajt këtë vend në paqe dhe për të dominuar dhe për të vazhduar deri sot, deri sa i doli një njeri nga rreshti dhe krijoi të djathtën liberale dhe e djatha liberale jemi ne. Jemi ne që punojmë, dhe janë ndërruar vendet, njëri gërthet për punë, të tjerët gërthasin kundra njerëzve që punojnë, që hapin një jetë, hapin shpresë, turren të gjithë pas atyre, të poshtër, maskarenj, a thua se do të marrin ndonjë gjë me vete në varr”, tha Luca.

Për biznesmenin, e djathta nuk është ajo që i turret atyre që hapin biznese dhe punësojnë njerëz, por ajo prodhon dhe hap biznese për të punësuar të rinjtë dhe për të kthyer vendin në një të ardhme të sigurt për rininë.

“Atëherë kjo nuk është e djathtë. E djathtë janë këta që hapin biznese dhe e djathta prodhuese si në Elbasan ose si në gjithë Shqipërinë, po kthehet në një të djathtë prodhuese sociale”, u shpreh Gjergj Luca.

Ndër të tjera, Luca i është drejtuar të rinjve që të ngrihen për të ardhmen e tyre, sepse ajo që po ndodh sot me ta është një krim.

Sipas biznesmenit, ata sot duhet të ngrenë zërin dhe të ngrihen për tëtreguar se kush janë dëshirat, apo aspiratat që kanë për jetën dhe jo ti përzënë nga Shqipëria.

“Ku është rinia? Ku jeni ju?

Pse nuk ju nxjerrin ju, jetën tuaj, për ta parë jetën tuaj se si ju ecni përpara, kush janë aspiratat tuaja, dëshirat tuaja, kush është frymëzimi juaj për jetën,  por nxjerrin vetëm pislliqe, për t’iu përzënë juve nga Shqipëria . Ky është turp Dhe jo vetëm turp,  por është krim”, tha Luca ndër të tjera./ CNA.al





Lajmet e fundit nga