web counter
LEXO PA REKLAMA!

SHKARKO APP

App Store
Google Play

Kodi Penal dhe rehabilitimi i të burgosurve/ Zbardhet takimi mes Lamallarit dhe homologut italian

13 Nëntor 2025, 17:57, Aktualitet CNA

Kodi Penal dhe rehabilitimi i të burgosurve/ Zbardhet takimi mes Lamallarit

Ministri i Drejtësisë Besfort Lamallari ka zhvilluar një takim me homologun italian Carlo Nordio.

Lamallari tha zbuloi se gjatë takimit është diskutuar për mbështetjen që Italia mund të japë në ndryshimet ligjore që do të bëhen në Kodet Penale dhe për rehabilitimin dhe ri-integrimin e të dënuarve në institucionet e ekzekutimit të vendimeve penale.

“Kënaqësi e veçantë që vizitën time të parë zyrtare si Ministër Drejtësie ta zhvilloja në Itali dhe për më tepër të takohem me homologun tim italian Carlo Nordio, me të cilin patëm një bisedë miqësore e tejet produktive për forcimin e mëtejshëm të marrëdhënieve dypalëshe dhe në mënyrë të posaçme marrëdhënieve juridiksionale me jashtë.

Diskutuam gjithashtu për mbështetjen që Italia mund të na japë në ndryshimet ligjore që ne do të bëjmë për Kodet Penale dhe të Procedurës Penale, por edhe në ambicien tonë për rehabilitimin dhe ri-integrimin e të dënuarve në institucionet e ekzekutimit të vendimeve penale.

Ne e çmojmë shumë partneritetin me Italinë fqinje, kontributin e saj të jashtëzakonshëm për forcimin e shtetit të së drejtës, sundimit të ligjit dhe avokatinë e pandalshme për integrimin e Shqipërisë në BE”, shkruan Lamallari./ CNA





Lajmet e fundit nga