web counter
LEXO PA REKLAMA!

SHKARKO APP

App Store
Google Play

Universiteti Mesdhetar i Shqipërisë, anëtar i Magna Charta Universitatum

13 Nëntor 2025, 15:48, Aktualitet Prof. Anastas Angjeli

Universiteti Mesdhetar i Shqipërisë, anëtar i Magna Charta

Në datat 11–13 nëntor 2025, Universiteti Mesdhetar i Shqipërisë mori pjesë në takimin vjetor të Anniversary of the Magna Charta Universitatum MCU2020, i cili u zhvillua në King’s College London.

Në këtë konferencë morën pjesë rreth 193 përfaqësues nga universitete dhe institucione të arsimit të lartë nga Europa, Shtetet e Bashkuara të Amerikës, Azia dhe Afrika.

Përgjatë këtij eventi, me nënshkrimin e Magina Charta Universitum, UMSH u bë gjithashtu anëtar i Observatorit Magna Charta të Vlerave dhe të Drejtave Themelore Universitare (MCO), duke forcuar angazhimin e tij ndaj vlerave themelore të autonomisë, integritetit akademik dhe bashkëpunimit ndërkombëtar.

Gjatë konferencës u diskutua mbi lirinë akademike, sfidat e së ardhmes dhe rëndësinë e bashkëpunimit midis universiteteve, akademikëve dhe studentëve.

Magna Charta Observatory (MCO) u themelua në vitin 2000 nga Universiteti i Bolonjës dhe Rrjeti i Universiteteve Europiane (EUA), duke u mbështetur në parimet themelore:

1. Universiteti është një institucion autonom dhe pjesë thelbësore e shoqërisë;

2. Mësimdhënia dhe kërkimi shkencor në universitete duhet të jenë të pandarë, në mënyrë që të përmbushin nevojat e ndryshueshme të shoqërisë dhe të përparimit të dijes;

3. Liria për kërkim dhe zhvillim është parimi themelor i jetës universitare;

4. Universiteti është bartës i traditës humaniste europiane, me synimin për arritjen e dijes universale.

Pas nënshkrimit të anëtarësimit, presidenti i Universiteti Mesdhetar i Shqipërisë, Akademik Prof. Dr. Anastas Angjeli, u shpreh se:

Sot, Universiteti Mesdhetar i Shqipërisë shënon një hap të rendësishëm në ndërkombëtarizimin e tij, dhe një moment të veçantë në historinë e tij akademike./ CNA





Lajmet e fundit nga