web counter
LEXO PA REKLAMA!

SHKARKO APP

App Store
Google Play

E fundit!

x

Kevi Muçllari pas lirimit: Nuk jam kriminel, mbrojta interesin e komunitetit

13 Nëntor 2025, 15:21, Aktualitet CNA

Kevi Muçllari pas lirimit: Nuk jam kriminel, mbrojta interesin e

Kevi Muçllari është liruar ditën e sotme nga qelia pasi u arrestua për një përplasje fizike me këshilltarin bashkiak të Pogradecit, Ëngjëll Shyti. Lirimi i tij erdhi pasi Gjykata e Korçës e shpalli sot arrestimin e tij të paligjshëm.

Në një deklaratë për mediat ai u shpreh se ndalimi i tij ishte kundër ligjit, ndërsa shtoi se në mbledhjen e Këshillit Bashkiak ishte në mbrojtje të interesit të komunitetit.

"Së pari, falënderoj familjarët, miqtë dhe shokët, të cilët më janë gjendur pranë në këto ditë shumë të vështira. Gjykata dha vendimin që pritej. Arrestimi im u shpall i paligjshëm sepse realisht ashtu ishte. Unë u shpreha edhe në gjykatë, unë nuk jam kriminel. Isha aty në mbrojtje të interesit të komunitetit, në mbrojtje të një kauze që ne e kemi menduar si të drejtë dhe e mendojmë si të drejtë. Nuk ishte qëllimi im që të dhunoja dikë për shkak të detyrës. Ky ishte një vendim thellësisht i padrejtë. Kam një falënderim për gjyqtarin që mori një vendim të drejtë në raport me mua. Falënderoj banorët të cilët ishin pranë meje në këto ditë shumë të vështira, dolën protestuan sepse e kuptuan që ne po protestonim jo për të marrë diçka në këmbim, por thjesht sepse atje cenoheshin interesat tona. Ishim të prekur drejtpërsëdrejti, ndaj ne duhej që ta mbronim interesin tonë me argumente dhe me fakte, ashtu siç edhe ju ishit prezent. Me thënë të drejtën, sinqerisht ishin ditë shumë të vështira. Nuk e prisja kurrë se do isha i burgosur e që do përjetoja atë tmerr që do përjetoja", u shpreh Muçllari. /CNA





Lajmet e fundit nga