web counter
LEXO PA REKLAMA!

SHKARKO APP

App Store
Google Play

E fundit!

x

"Po zhvillohet sipas afateve kontraktuale, pritet të jetë nga më funksionalët"/ Pacolli për aeroportin e Vlorës

12 Nëntor 2025, 20:19, Aktualitet CNA

"Po zhvillohet sipas afateve kontraktuale, pritet të jetë nga

Biznesmeni Behgjet Pacolli ka reaguar në rrjetet sociale për aeroportin e Vlorës.

Pacolli shkruan se aeroporti i Vlorës po zhvillohet sipas afateve kontraktuale dhe do të jetë një nga aeroportet më funksionale në rajon.

Në reagimin e bërë Pacolli shkruan se ky aeroport është investimi më i madh në Shqipëri, i partneritetit publik-privat.

Më tej, biznesmeni shprehet se qeveria shqiptare vetëm përfiton nga ky aeroport.

 

“Aeroporti i Vlorës

Debati në mediat shqiptare për Aeroportin e Vlorës po vijon. Shpreh shqetësimin tim për qasjen e disa individëve të painformuar, të cilët japin opinione që nuk pasqyrojnë realitetin. Fatkeqësisht, disa prej tyre jo vetëm që interpretojnë ngjarje të paqena e të pavërteta, por edhe i lejojnë vetes të ofendojnë.

Do të ishte më dinjitoze që, përpara se të artikulohen opinione publike, të bëhet një informim i saktë dhe i plotë mbi faktet. Vetëm kështu mund të formësohen qëndrime të drejta, të bazuara në realitet, duke i shërbyer informimit korrekt të publikut. Një qasje e tillë ruan njerëzillëkun, sinqeritetin dhe edukatën.

Aeroporti i Vlorës po zhvillohet sipas afateve kontraktuale dhe pritet të jetë një nga aeroportet më funksionale në rajon. Projekti përfaqëson investimin më të madh në Shqipëri në kuadër të një partneriteti publik-privat.

Mos e harroni edhe kete fakt; Qeveria shqiptare merr 50% nga fitimi  i gjeneruar nga te hyrat, dmth vetem perfiton nga afarizmi i ketij aeroporti dhe kursesi nuk i kushton as nje cent taksapaguesve”, shkruan Pacolli./CNA





Lajmet e fundit nga