web counter
LEXO PA REKLAMA!

SHKARKO APP

App Store
Google Play

E fundit!

x

Gjuha fyese e Maks Haxhisë ndaj CNA/ Reagon Shoqata e Gazetarëve Profesionistë të Shqipërisë

12 Nëntor 2025, 17:22, Aktualitet CNA

Gjuha fyese e Maks Haxhisë ndaj CNA/ Reagon Shoqata e Gazetarëve

Shoqata e Gazetarëve Profesionistë të Shqipërisë ka reaguar sot lidhur me gjuhën denigruese të përdorur ndaj CNA nga kryetari i Dhomës Kombëtare të Avokatisë, Maks Haxhia.

Përmes një deklarate, Shoqata shpreh solidaritetin e plotë dhe thekson se detyra e institucioneve, publike ose jo është të përgjigjen ose të mos përgjigjen, por të respektojnë normat e komunikimit, si dhe punën e gazetarëve.

Shoqata e Gazetarëve Profesionistë të Shqipërisë shton se është në detyrimin e Haxhisë, si titullar i një institucioni si Dhoma Kombëtare e Avokatisë, që të kërkojë ndjesë për sjelljen e tij.

Kujtojmë që CNA e kontaktoi me Maks Haxhinë disa ditë më parë për një denoncim të ardhur në redaksinë tonë ku pretendohej për ryshfet në procesin e licencimit të avokatëve nga Dhoma e Avokatisë, komunikim gjatë së cilit Haxhia përdori një gjuhë fyese dhe denigruese.

“Shoqata e Gazetarëve Profesionistë të Shqipërisë shpreh shqetësimin për gjuhën denigruese të denoncuar se është përdorur ndaj gazetares së CNA,nga kryetari i Dhomës Kombëtare të Avokatisë z. Maks Haxhia.

Shoqata e Gazetarëve Profesionistë të Shqipërisë ka marrë një ankesë nga kjo redaksi dhe komunikoi me gazetaren për të marrë informacion. Sipas gazetares, për shkak të një denoncimi të mbërritur në redaksi për licensimin e avokatëve në Dhomën Kombëtare të Avokatisë, ajo ka kontaktuar z. Haxhia duke i kërkuar një reagim në emër të redaksisë, për të patur dy palët. Gazetarja u shpreh e tronditur nga përgjigja e z. Haxhia, që ishte një gjuhë e padenjë e plot fyerje dhe pa asnjë përgjigje për denoncimin për të cilin ishte pyetur.

Duke respektuar të drejtën e gazetares për anonimat, e duke njohur eksperiencën e saj të gjatë në media, Shoqata e Gazetarëve Profesionistë të Shqipërisë shpreh solidaritetin me kolegen. Detyra e një gazetari është të bëjë pyetje dhe të pasqyrojë të gjitha këndvështrimet në lajmet që bën. Nga ana tjetër detyra e institucioneve, publike ose jo është të përgjigjen ose të mos përgjigjen, por të respektojnë normat e komunikimit, si dhe punën e gazetarëve.

Eshtë në detyrimin dhe nderin e z. Haxhia si titullar i një institucioni të rëndësishëm si Dhoma Kombëtare e Avokatisë, që t’i kërkojë ndjesë gazetares për sjelljen e tij, si përfaqësues i atij institucioni.

Shoqata e Gazetarëve Profesionistë të Shqipërisë inkurajon gazetarët që përballen me situata të ngjashme që të mos demotivohen, por të vijojnë detyrën e tyre duke kërkuar informacion, sic e kërkon deontologjia e profesionit”,-thuhet në deklaratë./CNA

 

 

 





Lajmet e fundit nga