web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gjyqtarit/ Prokuroria e Përgjithshme kërkon mbështetje financiare për forcimin e masave të sigurisë

12 Nëntor 2025, 10:22, Aktualitet CNA

Vrasja e gjyqtarit/ Prokuroria e Përgjithshme kërkon mbështetje

Në Komisionin për Nismat Qytetare po zhvillohet seancë dëgjimore me prokurorin e Përgjithshëm (PP) lidhur me projektligjin “Për buxhetin e vitit 2026”. Sekretari i Përgjithshëm i Prokurorisë, Luan Abazi, u shpreh gjatë fjalës së tij se pas hartimit të projektbuxhetit për vitin 2026, kanë evidentuar edhe dy problematika.

Njëra prej tyre, sipas tij, është akomodimi i prokurorëve, oficerëve dhe administratës në 4 prokuroritë e vendit. Ndërkohë nisur nga ngjarja e ndodhur në Gjykatën e Apelit, ku u vra gjyqtari Astrit Kalaja, Prokuroria ka kërkuar mbështetje financiare për plotësimin e 17 vendeve për oficerë sigurie.

“Kemi hartuar projektbuxhetin për vitin 2026, dhe kemi evidentuar dy problematika. Njëra prej tyre është ajo për akomodimin e prokurorëve, oficerëve dhe administratës në prokuroritë Tiranë, Durrës, Fier dhe Sarandë. Problem tjetër që na ka lindur pas hartimit të projektbuxhetit është ngjarja e ndodhur në Gjykatën e Apelit, kemi bërë një rishikim dhe na ka dalë si nevojë plotësimi me 17 vende organike për oficerë sigurie. Kjo është jashtë projektbuxhetit dhe kështu do të kërkonim mbështetjen tuaj për të forcuar masat e sigurisë në institucion”, u shpreh sekretari i Përgjithshëm. /CNA





Lajmet e fundit nga