web counter
LEXO PA REKLAMA!

SHKARKO APP

App Store
Google Play

E fundit!

x

Shkaktoi aksidentin me 2 viktima/ Gjykata e Lezhës cakton burg pa afat për 33-vjeçarin

12 Nëntor 2025, 10:08, Aktualitet CNA

Shkaktoi aksidentin me 2 viktima/ Gjykata e Lezhës cakton burg pa afat

Shtetasi 33-vjeçar, që u përfshi në aksidentin e ndodhur të shtunën në aksin rrugor Lezhë-Milot, ku mbetën të vdekur dy vëllezër, do të qëndrojë në burg pa afat.

Ardit Gjeçi u njoh me masën e sigurisë në Gjykatën e Lezhës, ku pasi dëgjoi palët, gjyqtarja Irma Cacaj pranoi kërkesën e prokurorisë dhe vendosi masën e sigurisë "arrest në burg".

33-vjeçari është i pandehur për kryerjen e veprave penale “shkelja e rregullave të qarkullimit rrugor” dhe “drejtimi i automjeteve në mënyrë të parregullt”.

Aksidenti tragjik ndodhi në orët e para të mëngjesit të së shtunës në afërsi të kryqëzimit të Shën Kollit në Lezhë, ku u përplasën dy automjete, e për pasojë gjetën vdekjen shoferi dhe pasagjeri i njërit prej tyre, vëllezërit Ramazan dhe Agim Harapi nga Melgusha e Shkodrës.

Pas ngjarjes, policia arrestoi drejtuesin e automjetit tjetër, shtetasin Ardit Gjeçi, i cili dyshohet të jetë bërë shkak për aksidentin, ku pas testit të alkoolit rezultoi të ketë qenë në gjendje të dehur.

Aksi Lezhë-Milot vijon të jetë ndër problematikët sa u përket aksidenteve rrugore me viktima dhe të plagosur, ku krahas mungesës së standardeve në rrugë, shkaku kryesor i tyre është edhe mosrespektimi i rregullave të qarkullimit nga drejtuesit e automjeteve./CNA





Lajmet e fundit nga