web counter
LEXO PA REKLAMA!

SHKARKO APP

App Store
Google Play

E fundit!

x

"Gjithçka u krye me qetësi"/ Gazetari: Autorët ishin katër, tre kanë qëlluar me kallashnikov

11 Nëntor 2025, 22:33, Aktualitet CNA

"Gjithçka u krye me qetësi"/ Gazetari: Autorët ishin

Gazetari Merin Maçi ka dhënë mbrëmjen e sotme detaje lidhur me atentatin e ndodhur sot në Rinas, autorët e të cilit ende nuk dihen.

Maçi është shprehur në emisionin “Opinion” se automjeti i atentatorëve ka qenë i parkuar jashtë aeroportit para se makina ku ishte Gilmando Dani dhe Muçi Shaljani të dilte nga parkimi nëntokësor i aeroportit.

Ai tha se i gjithë ekzekutimi është kryer me qetësi nga autorët, për të cilët tha se kanë qenë katër, ku tre prej tyre kanë qëlluar me breshëri kallashnikovi në makinën e shënjestrave. Pas kësaj, gazetari tha se makina e autorëve ka ndjekur rrugën që është përshkuar për grabitjen e Rinasit dhe ka dalë te ura e Tapizës.

Gazetari është shprehur se agjenti i AMP-së kishte lidhje shoqërore me personin e afërt të Emiljano Shullazit. 

“Gilmando Dani dhe Muçi Shaljani kanë mbërritur në aeroportin e Rinasit nga Barcelona me fluturim direkt. Kanë marrë makinën nga parkingu nënëntokësor. Në dalje të aeroportit, Gilmando Dani ishte me kapele dhe me një valixhe. Dyshohet se e kishte kapelen për të mos u dalluar, ndërsa Shaljani ishte i qetë.

Shaljani ishte lidhje shoqërore e Gilmando Danit. Prej tre muajsh ishte pjesë e AMP-së. Pasi kanë lënë ambientet e aeroportit, automjeti i atentatorëve ka qenë i parkuar për disa minuta nga krahu ku është vendosur hyrja VIP. Në momentin që ka dalë automjeti i tyre, tre persona kanë dalë nga makina dhe kanë qëlluar me breshëri me kallashnikov në drejtim të makinës. Makina nuk ka ikur në krahun që të con për në Fushë-Krujë, por ka vijuar drejt rrugës që të fut kundravajtje.

Kanë ndërruar me shumë qetësi armët dhe një prej tyre ka qëlluar përsëri me breshëri disa herë drejt makinës. Kanë hipur në makinë dhe të katërt kanë përshkuar rrugën që është ndjekur edhe në grabitjen e Rinasit që të nxjerr të ura e Tapizës. Për të ndalur agresionin e tyre duhej një ushtri. Një patrullë policie nuk e ndalte dot.

Gilmando Dani ishte një person që mbahej nën monitorim. Në 2015 i ka shpëtuar edhe një atentati në zonën e Rinasit. Ishte me Emiljano Shullazin. Në atë ngjarje po atë natë, një tjetër personazhi të grupit të Shullazit ju bë atentat te Rruga e Kavajës", tha gazetari. /CNA





Lajmet e fundit nga