web counter
LEXO PA REKLAMA!

SHKARKO APP

App Store
Google Play

“Po godet oficerë karriere”/ Gazetari zbulon skemën "merimangë" të Ilir Prodës

11 Nëntor 2025, 22:36, Aktualitet CNA

“Po godet oficerë karriere”/ Gazetari zbulon skemën

Gazetari Elvi Fundo ka folur për gjendjen në të cilën ndodhet sot Policia e Shtetit. I ftuar në emisionin "A Krasta Show", Fundo u shpreh se Policia e Shtetit është më keq se kurrë dhe për këtë përgjegjësinë e ka drejtori i Përgjithshëm i Policisë së Shtetit Ilir Proda.

Gazetari tha se sot kemi një drejtor policie që ka nën hije ministren e Brendshme.

“Në lidhje me ngjarjen e sotme Albana Koçiun thjesht e kanë lënë atje në Ministri të merret me adresat. Nuk besoj që Albana Koçiu merret me drejtorin e Policisë dhe as nuk besoj se drejtori i policisë ia hap telefonin Albana Koçiut.

Drejtori i Policisë duhet ta ketë lidhjen direkte me kryeministrin dhe është njeri shumë i fuqishëm. Ka fuqinë përtej ministrit të Brendshëm, ndoshta është drejtori i policisë më me pushtet që ka pasur historia e këtyre viteve të demokracisë për shkak se të gjithë drejtorët e tjerë të policisë ishin në hijen e ministrave kurse ky është një drejtori policie që ka nën hije ministren e Brendshme.

Pastaj ato që del e flet ministrja nga halli dhe nga sikleti mirë do të ishte të heshte.

Me ngjarjen e sotme në një vend normal dretjori i Policisë së Shtetit duhet të kishte dhënë dorëheqjen”, tha gazetari Elvi Fundo.

Më tej, gazetari zbuloi skemën merimangë të Prodës duke thënë se po godet oficerë karriere dhe ka rritur rrethin shoqëror dhe personal në polici.

“Kam dyshimet që drejtori i Policisë së Shtetit është përgjegjësi kryesor mbi situatën ku ndodhet Policia e Shtetit, për goditjen ndaj njerëzve profesionistë kjo dhe për çështje të caktuara dhe inate personale të tij. Është rritur në Policinë e Shtetit rrethi personal dhe shoqëror i tij dhe janë goditur oficerë karriere dhe profesionistë prandaj kemi këtë situatë me rendin dhe sigurinë”, u shpreh Fundo./ CNA





Lajmet e fundit nga