web counter
LEXO PA REKLAMA!

SHKARKO APP

App Store
Google Play

E fundit!

x

Buxheti i 2026-s për Prokurorinë e Përgjithshme/ Kaso: Duhet mbështetje, gjyqet zhvillohen në zyrën e gjyqtarit

12 Nëntor 2025, 10:13, Aktualitet CNA

Buxheti i 2026-s për Prokurorinë e Përgjithshme/ Kaso: Duhet

Deputeti i PD-së, Ivi Kaso, gjatë fjalës së tij në Komisionin Për Nismat Qytetare ku diskutohet për projektbuxhetin e vitit 2026 dhe mbështetjen financiare për Prokurorinë e Përgjithshme.

Kaso theksoi se duhet mbështetje buxhetore e kanalizuar në investime kapitale për Prokurorinë e Përgjithshme për shkak të problematikave të ndryshme që janë relatuar më herët dhe nga Prokurori i Përgjithshëm.

“Ne kemi theksuar që në momentin e relatimit që pesha, të cilën mban Prokuroria e Përgjithshme është e madhe sepse mbulon 95% të veprave penale dhe volumi i punës është i jashtëzakonshëm.  

Nëse do të shihnim që volumi i dosjeve të përpunuara është rritur me 15% është e logjikshme që shifra e suportit të ishte në vlera analoge duke marrë parasysh dhe problematikat e rënda që janë relatuar si pamundësia e godinave ekzistuese, çështja e arkivave që thellohet vit pas viti dhe siç u relatua dhe nevojat e shtuara të sigurisë.

Jemi të ndërgjegjshëm për kushtet e vështira që Prokuroria ndjek veprat penale. Shumica e gjyqeve zhvillohen në zyrat e gjyqtarëve ku gjyqtari, i pandehuri dhe prokurori janë në një karrige. Është e palogjikshme dhe anormale. Ne jemi mbështetës të anës buxhetore të kanalizuar në investime kapitale që duhet të fokusohet jo vetëm në rikonstruktim, por edhe në shtimin e godinave të reja.

Të gjitha këto janë çështje të mprehta dhe nga e cila vuan ndjekja penale”, tha Kaso./ CNA





Lajmet e fundit nga