web counter
LEXO PA REKLAMA!

SHKARKO APP

App Store
Google Play

Manja te “Ligjet”: Ish-zyrtarët e shtetit nuk mund të rrinë në një vend me të burgosur të tjerë

12 Nëntor 2025, 11:23, Aktualitet CNA

Manja te “Ligjet”: Ish-zyrtarët e shtetit nuk mund të

Kryetari i Komisionit të Ligjeve, Ulsi Manja, është shprehur në mbledhjen e sotme të Komisionit të Ligjeve dhe Administratën Publike, se burgjet shqiptare janë model në rajon. Sipas tij, sot në burgje nuk ka dyqane, por të dënuarit dhe të burgosurit mund të porosisin online nga burgjet.

Më tej, deputeti u shpreh se zyrtarët apo ish-zyrtarët e shtetit nuk mund të akomodohen në një vend me të burgosur të tjerë, apo eksponentë të krimit.

"Sistemi i burgjeve është një sistem që nuk meriton të hidhet baltë mbi të. Burgjet shqiptare janë model në rajon. Sigurisht ka problematika, kapen me telefona, me paligjshmëri. Por nuk ka dyqane në burgje. Ka dy vjet që në burgje operohet me sistemin online të shërbimeve që marrin të dënuarit ose të burgosurit. Ata mund të porosisin online nga burgjet. Ky është revolucion. Vetëm 2 ose 3 vende e kanë këtë model. 

Patjetër burgu i Durrësit u konsiderua si vend ku ne mund të akomodonim të paraburgosurit që janë zyrtarë ose ish-zyrtarë të shtetit. Nuk mundet një ish-zyrtar i shtetit të qëndrojë në një burg me të burgosur të tjerë. Jo vetëm Durrësi, është edhe paraburgimi në Fier. Kjo lidhet me elementët e burgjeve, por edhe me garantimin e integritetit fizik të ish-zyrtarëve", tha Manja. /CNA





Lajmet e fundit nga