web counter
LEXO PA REKLAMA!

SHKARKO APP

App Store
Google Play

"Lajthit" Bido, tallet me vrasjen në Rinas: Atentate mafioze ndodhin në çdo vend të botës

12 Nëntor 2025, 11:03, Aktualitet CNA

"Lajthit" Bido, tallet me vrasjen në Rinas: Atentate mafioze

Një atentat i ndodhur dje në rrethrrotullimin e Rinasit, ku mbeti viktimë Gilmando Dani dhe u plagos rëndë Muçi Shaljani, ka tronditur vendin. Për ironi të fatit, ekzekutimi në një nga vendet më të populluara në Tiranë, pak metra larg aeroportit të Rinasit, ndodhi pak orë pasi ministrja e Mbrojtjes, Albana Koçiu, deklaroi se siguria në vend është rritur ndjeshëm.

Por marrëzia e kësisoj deklaratash nuk ndalen me ministren. Deputeti socialist Ardit Bido, në një dalje televizive është munduar të minimizojë ngjarjen që mund të rezultonte në jo një ose dy, por në disa viktima, duke qenë se lëvizjet në atë zonë janë të shumta në çdo orë të ditës.

Sipas Bidos, një breshëri prej më shumë se 50 plumbash në mes të ditës është diçka që ndodh në çdo vend të botës. Sipas tij, ky krim mafioz nuk duhet të vërë në dyshim “faktin” se Shqipëria është një vend i sigurt.

“Patjetër që është një vend i sigurt. Duke ardhur nga një ngjarje e rëndë te kjo pyetje, duket sikur s’kemi emocione. Patjetër që është një ngjarje që duhet të hetohet. Kemi të bëjmë me një vrasje në një pikë kyçe, të një personazhi të njohur të botës së krimit. Duhet hetuar dhe duhet të dalin para drejtësisë individët. Por nuk duhet ta vendosim direkt pyetjen përballë. Vrasje të tilla mafioze ndodhin në çdo vend të botës. Edhe në Amerikë kanë ndodhur vrasje mafioze. Sa ekziston krimi i organizuar, do të ketë vrasje të tilla”, është shprehur Bido. /CNA





Lajmet e fundit nga