web counter
LEXO PA REKLAMA!

SHKARKO APP

App Store
Google Play

E fundit!

x

Vëngu: Buxheti i vitit 2026, më i larti që ka pasur Ministria e Mbrojtjes

12 Nëntor 2025, 12:06, Aktualitet CNA

Vëngu: Buxheti i vitit 2026, më i larti që ka pasur Ministria e

Ministri i Mbrojtjes, Pirro Vëngu, ka dalë në një deklaratë për mediat nga Kryesia e Kuvendit. Vëngu u shpreh se buxheti i vitit 2026 është buxheti më i lartë i mbrojtjes që pas anëtarësimit të Shqipërisë në NATO.

Vëngu u shpreh se më shumë se 13 miliardë lekë janë vendosur në dispozicion të kapitalit njerëzor të mbrojtjes. Ai shtoi më tej se projektbuxheti synon të financojë prodhimit e municioneve, uniformave, mjeteve të blinduara, dronët luftarakë dhe sistemet antidronë.  

“Buxheti më i lartë i mbrojtjes që pas anëtarësimit të Shqipërisë në NATO. Ky buxhet është jo vetëm i madh në volum financiar, por edhe i qartë në drejtimet që financon, kryesisht kapitali njerëzor që është pikënisja e çdo reforme që ndërmarrim. Më shumë se 13 miliardë lekë të disponueshme sa i përket kapitalit njerëzor në mënyrë që efektivët tanë me uniformë të jenë në mesataren e NATO-s, sa u përket standardeve që meritojnë të kenë. Industria ushtarake ishte një pjesë ku u ndalëm në mënyrë shteruese në komision. Projektbuxheti synon të financojë prodhimit e municioneve, uniformave, mjeteve të blinduara, dronët luftarakë dhe sistemet antidronë”, tha Vëngu.

I pyetur nga gazetarët për deklaratat e kryetarit të PD-së, Sali Berisha, se kryeministri Edi Rama i ka kërkuar atij dorëheqjen, Vëngu tha se këto janë të pavërteta.

“Nuk më shokojnë deliret e kësaj natyre, të cilat i marr si kërcënime të zotit Berisha. Nuk janë fare të vërteta këto gjëra”, tha ministri. /CNA





Lajmet e fundit nga