web counter
LEXO PA REKLAMA!

SHKARKO APP

App Store
Google Play

E fundit!

x

AKU bllokon 75 tonë misër nga Serbia/ Haderi: Presim analizat e plota, bllokohet ferma që përdorte këtë misër

12 Nëntor 2025, 14:26, Aktualitet CNA

AKU bllokon 75 tonë misër nga Serbia/ Haderi: Presim analizat e plota,

Pas bllokimit të 25 tonëve me miser rreth një javë më parë, AKU në Shkodër ka bllokuar mbrëmjen e shkuar 75 tonë të tjera misër blegtoral nga i njëjti subjekt eksportues, duke e çuar në 100 tonë sasinë totale të ndaluar për momentin.

Sipas drejtorit të AKU Shkodër, Ramir Haderi, misri është bllokuar në doganën e Hanit të Hotit me qëllim kryerjen e analizave laboratorike, për të përcaktuar nëse ka prezencë të lartë të aflatoksinës B1, një substancë toksike dhe kancerogjene që tejkalon normat e lejuara në Shqipëri.

“Kemi qenë të fokusuar te rasti i alertit të misrit. Janë marrë disa masa për këtë procedurë. Aktualisht, pas bllokimit të 25 tonëve kemi bllokuar edhe një fermë në Trush. Është bërë bllokimi nga ana e AKU-së dhe po i mbajmë nën monitorim. Aktualisht kemi bllokuar edhe 75 tonë misër nga Serbia dhe po i analizojmë. Sipas urdhrit, çdo produkt i ardhur nga Serbia po bllokohet deri në analiza. Analizat janë bërë në bazë të planit të masave. Hani i Hotit po mbahet nën vëzhgim”,-tha Haderi.

Ndërkohë, AKU ka bllokuar edhe një fermë në fshatin Trush, pasi nga sistemi i gjurmueshmërisë rezulton se ajo furnizohej me misër blegtoral nga subjekti i ndaluar në doganë. Haderi shtoi se janë marrë gjithashtu 6 masa paralajmëruese ndaj farmacive bujqësore, për shkak të parregullsive të konstatuara gjatë kontrolleve.

“Aksioni ka vijuar me farmacitë bujqësore, ku janë inspektuar 15 dhe 6 prej tyre janë paralajmëruar kryesisht për ndryshim etiketash dhe mungesë plotësimi të kushteve higjieno-sanitare”,-tha Haderi.

AKU po monitoron me kujdes situatën dhe po pret rezultatet e analizave për çdo produkt blegtoral që vjen nga Serbia, në mënyrë që fermat shqiptare të furnizohen vetëm me produkte të sigurta./CNA





Lajmet e fundit nga