web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ndodh kur auditohet një i afërm i punonjësve të KLSH-së? Shehu sqaron rastin: Ligji e thotë qartë

13 Nëntor 2025, 09:46, Aktualitet CNA

Çfarë ndodh kur auditohet një i afërm i punonjësve

Drejtuesi i Kontrollit të Lartë të Shtetit, Arben Shehu, ka qenë i pranishëm në seancën dëgjimore në Komisionin për Nismat Qytetare në lidhje me projektbuxhetin 2026.

I pyetur për rastet kur një i afërm i punonjësit të KLSH-së duhet të audiotohet, Shehu tha se për këto raste ligji është mjaft i qartë.

Drejtuesi i KLSH-së tha se punonjësi duhet të deklarojë konfliktin e interesit me subjektin e auditimit dhe në rast mosdeklarimi ka penalitete.

Më tej, Shehu sugjeroi që KLSH dhe komisionet parlamentare të kenë një komunikim të vazhdueshëm, për t’i dhënë zgjidhje çdo problematike rast pas rasti.

“Është më se normale që punonjës të KLSH-së të kenë familjarë që auditohen. Punonjësi ka për detyrim të deklarojë konfliktin e interesit dhe mbi bazën e kësaj deklarate punonjësit i lihen përgjegjësi.

Do të rekomandojmë një komunikim të përhershëm me komisionin dhe secilin prej jush, në momentet që ju i vlerësoni të duhura. Kjo i shërben të përgjithshmes. Ju kërkoj që rast pas rasti nëse e vlerësoni, ne jemi të gatshëm të komunikojmë dhe t’i japim rrugë çdo problematike.

Në lidhje me vakancat, ne kemi disa procedura që kanë nisur dhe kanë përfunduar pa fitues për shkak të mosplotësimit të kritereve”, deklaroi Shehu./CNA





Lajmet e fundit nga