web counter
LEXO PA REKLAMA!

SHKARKO APP

App Store
Google Play

E fundit!

x

AK kërkon 14.2 milionë lekë shtesë/ Biba: Punojmë si sardele, 7 inspektorë në një zyrë, 35 zonja në një tualet

13 Nëntor 2025, 09:55, Aktualitet CNA

AK kërkon 14.2 milionë lekë shtesë/ Biba: Punojmë si

Kreu i Autoritetit të Konkurrencës, Denar Biba, gjatë parashtrimit të kërkesave të institucionit në Komisionin për Nismat Qytetare deklaroi se për vitin 2026 kërkojnë 14.2 milionë lekë shtesë. Biba tha se inspektorët punojnë në kushte mjaft të vështira dhe i krahasoi ata me sardelet.

Biba kërkoi pagesën e vështirësisë së punës për inspektorët, pasi, siç deklaroi ai, largimi sjell pengesë të punës për shkak të vështirësisë për të gjetur punonjës të tjerë.

 

"Autoriteti i Konkurrencës është institucion vetëm buxhetor pa asnjë të ardhur tjetër. Deri në muajin shtator buxheti është realizuar 63%.

Për vitin 2026 kërkojmë 14.2 milionë lekë shtesë për zgjerimin e godinës, mirëmbajtjen e infrastrukturës së teknologjisë në sistemin informatik.

Për sa u përket burimeve njerëzore gjatë vitit 2024 janë larguar 3 inspektorë për shkak të kushteve të këqija dhe pagës së ulët.

Jemi si sardele 7 veta në një zyrë. Një çështje që kërkon zgjidhje urgjente, janë ambientet e punës. E kemi nisur me 13 punonjës, sot jemi 49, në po të njëjtat ambiente. 35 zonja që shkojnë në të njëjtin tualet. S’ka arkivë.

Njohuritë e inspektorëve janë unike dhe nuk gjenden lehtë, ndaj kërkojmë nga ju që të ketë shtesë mbi pagat dhe pagesë e vështirësisë së punës. Inspektorët e AK kryejnë inspektime përtej zyrës nën presion teknik dhe ligjor", tha Biba./CNA

 

 





Lajmet e fundit nga