web counter
LEXO PA REKLAMA!

SHKARKO APP

App Store
Google Play

E fundit!

x

"AK i kthen shtetit më shumë sesa merr"/ Biba: Kur ndodhi shtimi i pagave në të gjitha institucionet, ne na u ul

13 Nëntor 2025, 10:11, Aktualitet CNA

"AK i kthen shtetit më shumë sesa merr"/ Biba: Kur ndodhi

Kreu i Autoritetit të Konkurrencës, Denar Biba, i pranishëm në Komisionin e Nismave Qytetare ka ngritur një sërë problematikash për institucionet që ai drejton.

Biba tha se ndërkohë që në të gjitha institucionet ndodhi rritja e pagave, pagat e punonjësve të Autoritetit të Konkurrencës u ulën.

Gjithashtu Biba tha se u ul dhe koeficienti mbi të cilin llogariteshin pagat. Më tej, në fjalën e tij, Biba tha se në ndryshim nga institucionet e tjera, Autoriteti i Konkurrencës i kthen shtetit më shumë të ardhura sesa i merr.

Biba sugjeroi që një pjesë e fondeve t’i lihet Autoritetit që të shërbejë për shërbimet në institucion dhe kjo do të bënte që Konkurrenca mos të kërkonte fonde shtesë çdo vit.

 

“Kur ndodhi shtimi i pagave, ne na ndodhi ulja e pagës. Kjo ndodhi për shkak se ne merrnim shtesën për doktoraturën. U ul gjithashtu dhe koeficienti i pagës në të cilën llogaritej në atë kohë. Në sistem hierarkik, Sekretari i Përgjithshëm merr më shumë se kryetari i Autoritetit të Konkurrencës.

Ndryshe nga institucionet e tjera, që vetëm kërkojnë të ardhura, AK i kthen shtetit shumë më shumë sesa merr. Do të ishte e udhës që një pjesë e fondeve, jo ato nga gjobat, por ato nga përqendrimet, një pjesë e tyre të shërbejnë për shërbimet në institucion. Kjo do të bënte që autoriteti mos të kërkonte çdo vit fonde shtesë”, deklaroi Biba./CNA





Lajmet e fundit nga