web counter
LEXO PA REKLAMA!

SHKARKO APP

App Store
Google Play

Gjykata e Korçës e shpalli arrestimin të paligjshëm/ Avokati i Kevi Muçllarit: Nuk ishte goditje për shkak të detyrës

13 Nëntor 2025, 14:52, Aktualitet CNA

Gjykata e Korçës e shpalli arrestimin të paligjshëm/

Sot në Gjykatën e Korçës është mbajtur seanca për Kevi Muçllarin. Në përfundim të seancës avokati Endri Çela ka deklaruar se klienti i tij nuk ka ushtruar dhunë deri në momentin që u shty drejt këtyre akteve dhe goditja ndaj anëtarit të Këshillit Bashkiak të Pogradecit nuk ishte për shkak të detyrës.

"Sapo ka përfunduar seanca gjyqësore për vlerësimin e arrestimit dhe masës së sigurisë në ngarkim të shtetasit Kevi Muçllari. Gjykata vendosi që të vlerësohet i paligjshëm arrestimi i tij dhe të mos caktohet asnjë masë sigurimi në drejtim të tij sepse në vlerësimin tërësor të të gjithë situatës, gjykata arriti në konkluzionin që nuk ka asnjë dyshim të arsyeshëm për kryerjen e veprës penalë të 'goditjes për shkak të detyrës' parashikuar nga neni 237 i kodit të procedurës penale. Organi i akuzës kërkoi të vlerësohej i ligjshëm arrestimi në flagrancë dhe të caktohej masa e sigurimit detyrim paraqitje.

Qëndrimi ynë ishte të vlerësohej i paligjshëm arrestimi për shkak sepse nuk ishim në kushtet e goditjes për shkak të detyrës, pasi nuk kemi goditje, por një shtyrje të përbashkët me personin tjetër të përfshirë në konflikt. Së dyti, kjo nuk lidhej me detyrën, pasi ka pasur një shtyrje nga personi tjetër dhe më pas ka reaguar Kevi Muçllari. Ky qëndrim e bindi edhe gjykatën, shoqëruar dhe me pamjet filmike dhe arriti në konkluzion. Fillimisht Kevi ishte i ngarkuar dhe qëndrimi që mbajti në gjykatë ishte duke thënë 'Unë nuk jam kriminel. Mbajta një qëndrim që e besoj, pra kam qenë në ndihmë të banorëve dhe kërkoj falje për përdorimin e një fyerje në drejtim të këshilltarëve'.

Kevi nuk ka shkuar për të përdorur elementë dhune deri në momentin kur u gjet përballë një shtyrjeje dhe ka reaguar i ndikuar emocionalisht për shkak të situatës së krijuar. Do ta vlerësojmë situatën në vazhdim. Çështja nuk është pushuar pasi organi i akuzës e ka të drejtën për apelim, por deri në këtë moment procedural ky është qëndrimi i gjykatës. Secila prej palëve mund të bëjë ankim, por ne s'do ta bëjmë pasi u vendos ajo që kërkonim", deklaroi avokati./CNA

 

 

 

 

 

 

 





Lajmet e fundit nga