web counter
LEXO PA REKLAMA!

SHKARKO APP

App Store
Google Play

E fundit!

x

"Bashkëpunim me KiE për trajnimin e administratës zgjedhore"/ Celibashi: Administrimi nuk duhet të bëhet 100% nga partitë

13 Nëntor 2025, 12:21, Aktualitet CNA

"Bashkëpunim me KiE për trajnimin e administratës

Komisioneri Shtetëror i Zgjedhjeve, Ilirjan Celibashi, vendosi theksin te trajnimi i administratës zgjedhore dhe deklaroi se për këtë do të punojnë me BE-në dhe KiE-në.

Celibashi tha se dominimi i administratës zgjedhore nga partitë politike ka sjellë një handikap për sa i përket profesionalizmit, ndaj është e nevojshme që të ngrihet një qendër trajnimi në bashkëpunim edhe me forcat politike.

 

“KQZ në bashkëpunim me BE-në dhe KiE-në të punojnë për këtë çështje që është trajnimi i administratës zgjedhore. Kemi vuajtur prej vitesh që administrata zgjedhore në vend, pas çdo përpjekjeje, asnjëherë nuk i ka përmbushur pritshmëritë e votuesve për të performuar në mënyrë profesionale dhe transparente. Tani mesa duket edhe momenti politik e social i Shqipërisë në prag të bërjes pjesë në BE, ka sjellë edhe mundësinë që për një çështje të rëndësishme në kuadër të procesit zgjedhor, të punojmë së bashku mbi këtë projekt. Historia jo vetëm për zgjedhjet e fundit, ka treguar që administrata zgjedhore nuk siguron të gjitha garancitë që duhet të sigurojë në lidhje me administrimin transparent të procesit zgjedhor. Dominimi vetëm nga partitë politike të administrimit të zgjedhjeve ka krijuar handikapin e vet në lidhje me standardin profesional. Është me rëndësi të dorës së parë, që kjo çështje të jetë ndër të parat që duhet të adresohet.

Nga rreth 40 mijë komisionerë që angazhohen, 30% e tyre janë trajtuar nga KQZ. Pak a shumë është e njëjta shifër në të gjitha edicionet zgjedhore dhe nga ana tjetër, më shumë së 40% e administratës zgjedhore ndryshohen dhe një pjesë e parë dhe 1 ose 2 ditë përpara datës së zgjedhjeve, shto dhe ato që janë në detyrë, nuk kanë trajnimin e duhur. Më së pari është rasti ta rikonfirmoj qëndrimin e KQZ-së për të ndryshuar definitivisht mënyrën se si administrata zgjedhore është e organizuar. Nuk them që partitë politike të zhvishen tërësisht nga interesi dhe mundësia për të qenë pjesë e administrimit, por jo që 100% procesi administrohet prej tyre.

Kur ne të jemi dakordësuar kur të kemi një trupë gati për përhershme, të lidh nevoja që të punohet për trajnimin e duhur të kësaj trupe apo kushdo që angazhohet.

Synojmë me mbështetjen e BE-së që ta ndërtojmë këtë qendër të trajnimit të administratës zgjedhore, ku synojmë qëndrueshmëri dhe stabilitet. Jemi të ndërgjegjshëm që procesi është i vështirë dhe do të marrë kohën e vet. Do të kërkojnë mbështetjen edhe të partive politike. Për fat dihet se dhe ato e kanë kuptuar që mënyra se si administrata është e organizuar dhe ajo që jep, ka nevojë të ndryshohet dhe i mbështesin të paktën ajo çka kemi konstatuar, përpjekjet e KQZ-së dhe të partnerëve”, tha Ilirjan Celibashi.

 

 

 

 





Lajmet e fundit nga