web counter
LEXO PA REKLAMA!

SHKARKO APP

App Store
Google Play

Jorida Tabakun e merr malli për Erion Veliajn

24 Qershor 2026, 19:13, Aktualitet CNA

Deputetja e Partisë Demokratike, Jorida Tabaku duket se e ka marrë malli dhe ka kërkuar të çmallet me mikun e saj Erion Veliaj.

Në mbledhjen e sotme të Komisionit për Reformën Territoriale, Tabaku ka kërkuar që në seancat dëgjimore me kryetarët e bashkive të jetë i pranishëm dhe miku i saj Erion Veliaj, i akuzuar për 13 vepra të rënda penale.

Kujtojmë se Tabaku dhe familjarët e saj janë përfitues të lejeve të ndryshme nga Bashkia e Tiranës.

Bëhet fjalë për një leje ndërtimi dhënë te Fusha e Aviacionit, ku Jorida Tabaku merrte përqindjen e luanit në ndërtimin e një kompleksi banimi, lejen të cilën e kishte dhënë Erion Veliaj për zhvillimin e pronës së saj.

Me sa duket Joridën e ka marrë malli për kryetarin e bashkisë dhe kërkon të shkojë në komisione.

Sot Tabaku ka thënë që Veliaj të vijë të paraqitet se debati nuk mund të bëhet pa ardhur zyrtarët e bashkisë. Kuptohet zyrtarët e bashkisë nuk shkojnë se dihet nga kush komandohen dhe në këtë rast Tabaku ka thënë të vijë kryetari ose kush e drejton.

“Meqënëse e diskutuam edhe më herët dhe na thatë që do na kthenit një përgjigje, si do procedohet për Bashkinë e Tiranës? Do kërkoni të vijë kryetari zyrtar i bashkisë sipas jush apo kryetarja e deleguar, apo deri tek Kryeministri, kushdo që mund të përgjigjet se kush e drejton 1/3 e vendit sot”, u shpreh Tabaku.

Pra duhet të shkojë Erion Veliaj në komision tani, të takojë Joridën e të çmallen. Se ndoshta i ka marrë malli, miq të vjetër, ndonjë bashkëpunim politik e kanë bërë. Antiberishistë janë që të dy, kundër Partisë Demokratike po. Ëndërr e ka Jorida të bëhet kryetare e PD-së, ëndërr e ka pasur Erion Veliaj të bëhej kryetar i PS-së.

I bashkojnë shumë gjëra rrugës, nuk është se kanë ndonjë ndryshim të madh në profilin politik. Njëri është në burg për korrupsion, tjetra vazhdon të bëjë “korrupsion” politik lart e poshtë si spiune ambasadash, duke sulmuar dhe akuzuar kolegët e PD. Ndërkohë që vetë është katandisur një njeri që në strukturat e PD-së merr më pak vota se Lulzim Basha po të kandidoni përballë njëri-tjetrit.





Lajmet e fundit nga