LEXO PA REKLAMA!

SHKARKO APP

I dënuar me burgim të përjetshëm/ “Gangsterit” shqiptar i jepet anonimiteti në Britaninë e Madhe

10 Prill 2023, 10:40, Aktualitet CNA

I dënuar me burgim të përjetshëm/ “Gangsterit”

Britania e Madhe i ka dhënë anonimitetin shtetasit shqiptar, i cili ishte dënuar në vend me burgim të përjetshëm për kryerjen e veprave të rënda.

Sipas "Daily Mail", ai ka mbërritur me varkë në Angli ku ka kërkuar dhe azil për ta mbrojtur atë nga hakmarrja.

Shtetasi shqiptar kreu dënimin me burg për vrasje dhe "vepra të tjera shumë të rënda" në Shqipëri para se të mbërrinte në Britani me varkë. 

Pas arrestimit të tij, një gjykatës vendosi që identiteti i tij të fshihej nga publiku "për hir të sigurisë", pasi "gangsteri" shqiptar pretendoi se ishte kërcënuar nga rivalët e bandave. 

Deputeti konservator, David Morris, tha për "The Sun" se vendimi i gjykatës "është një vendim i egër që tregon përbuzje për qytetarët britanikë".

Ndërkohë, deputeti konservator, Philip Davies, tha se zbulimi i identitetit dhe historisë kriminale të "gangsterit" shqiptar ishte "qartësisht në interesin publik". 

Gjykatësi Nicholas Aldridge, 51 vjeç, nga ana tjetër, u shpreh se asgjë nuk mund të publikohej që mund të identifikonte “drejtpërdrejt” kriminelin, duke përfshirë edhe veprat e tij kriminale të mëparshme. 

Kërkesa e shqiptarit për apelim është refuzuar dhe ai mbetet në paraburgim në një qendër emigracioni. Pritet vendimi nëse shqiptari do të dëbohet drejt Shqipërisë.

Një zëdhënës i Zyrës së Brendshme ka reaguar lidhur me këtë ngjarje duke thënë: "Është një shembull tjetër tronditës se pse ne duhet të ndalojmë emigracionin ilegal"./ Përshtatur nga CNA.al

 

Lajmet e fundit nga