web counter
LEXO PA REKLAMA!

SHKARKO APP

App Store
Google Play

E fundit!

x

GJKKO lë në burg Metën/ Pranon qëndrimin ligjor të SPAK-ut: Vendimi i Gjykatës së Lartë nuk sjell asgjë të re

11 Maj 2026, 13:18, Aktualitet CNA

GJKKO lë në burg Metën/ Pranon qëndrimin ligjor të

GJKKO ka pranuar qëndrimin ligjor të SPAK-ut, i cili ka kundërshtuar kërkesën e avokatit të Metës, Kujtim Cakrani, për zëvendësimin e masës së sigurisë, duke theksuar se vendimi i Kolegjeve të Bashkuara të Gjykatës së Lartë nuk sjell asgjë të re në këtë proces, pas përdorjes së avokatit si argument gjatë seancës. 

Si rrjedhojë, GJKKO duke pasur parasysh arsyetimet e SPAK-ut dhe mungesën e provave nga ana e mbrojtjes ka vendosur të lërë në burg Ilir Metën duke rrëzuar kështu kërkesën e tij për zëvendësim të masës së sigurisë.

“Vendimi i Kolegjit të Bashkuar të Gjykatës së Lartë nuk sjell asgjë të re në këtë proces. Mbrojtja nuk paraqiti asnjë provë për zëvendësimin e masës, për zbutjen e nevojave të sigurimit apo për dyshimin e arsyeshëm. Nuk ka kushte apo rrethana për zëvendësim mase”, është shprehur prokurori Kllapi gjatë seancës.

Kolegjet e Bashkuara të Gjykatës së Lartë më 4 maj rrëzuan Sokol Sadushin në lidhje me ndryshimin e pjesshëm të praktikës së njësuar.

Në vendimin e shpallur u vendosën vetëm ndërhyrje dhe saktësime në vendimin e mëparshëm të praktikës së njësuar për masat e sigurisë, duke mos prishur vendimin e vitit 2011.

Pra, u bë thjesht dhe vetëm një "update", një rifreskim që nuk bën asgjë më tepër përveçse lë në fuqi vendimin e Kolegjeve të Bashkuara të datës 14.10.2011.

Kolegjet e Bashkuara lanë në fuqi vendimin për të ndjekur praktikën e vendosur në vitin 2011 dhe për të mos ia lënë baltën në fytyrë Sokol Sadushit apo turpin e ndërhyrjes së tij “të dhunshme” për të marrë një vendim të ndërmjetëm që në fund i shërbente vetëm Erion Veliajt./ CNA





Lajmet e fundit nga