web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria, shkresë KQZ-së/ Zbardhet dënimi i formës së prerë në Greqi për kryebashkiakun e Kuçovës

11 Maj 2026, 12:14, Aktualitet CNA

Prokuroria, shkresë KQZ-së/ Zbardhet dënimi i formës së

Kreshnik Hajdari, kryebashkiaku i Kuçovës, rezulton i dënuar me vendim të formës së prerë në Greqi. Informacioni është përcjellë zyrtarisht nga Prokuroria e Përgjithshme drejt Komisioni Qendror të Zgjedhjeve, në kuadër të verifikimeve mbi të kaluarën penale të zyrtarëve publikë.

Sipas shkresës së Prokurorisë, Hajdari është dënuar në vitin 1999 nga Gjykata e Janinës për hyrje të paligjshme në territorin grek, në një periudhë kur ai ishte 17 vjeç dhe i mitur. Në atë kohë ndaj tij ishte vendosur një masë riedukimi, por ky fakt nuk ishte deklaruar në formularët përkatës të dekriminalizimit.

Ndërkohë, Gjykata e Posaçme kundër Korrupsionit dhe Krimit të Organizuar e ka shpallur fajtor Hajdarin edhe për veprën penale “falsifikimi i vulave, stampave ose formularëve”. Me vendimin e datës 25 janar 2024, gjykata zëvendësoi dënimin me burg prej një viti me 150 orë pune në shërbim publik.

Në vijim të hetimeve, SPAK-u e ka marrë Hajdarin të pandehur dhe i ka komunikuar akuzën për falsifikim formularësh, vetëm një ditë pasi KQZ vendosi të mos ndërpresë mandatin e tij si kryebashkiak i Kuçovës.

Prokuroria i ka kërkuar KQZ-së të marrë në shqyrtim informacionin e përcjellë, ndërsa çështja pritet të pasohet nga zhvillime të tjera institucionale./ CNA





Lajmet e fundit nga