web counter
LEXO PA REKLAMA!

SHKARKO APP

App Store
Google Play

E fundit!

x

Muka, akuza akademikut: Merr mbi 20 mijë euro për konferenca pompoze, kreditet i shkojnë Spanjës

11 Maj 2026, 07:48, Aktualitet CNA

Muka, akuza akademikut: Merr mbi 20 mijë euro për konferenca pompoze,

Pedagogu dhe ish-zëvendësministri i Arsimit, Taulant Muka ka thumbuar akademikun shqiptar Arben Merkoçi.

Në një reagim në rrjetet sociale, Muka duke iu referuar Arben Merkoçit tha se akademiku është prova se si diaspora shpërblehet dhe përdoret si propagandë.

Muka ka theksuar se Merkoçi merr rrogë fikse nga Akademia e Shkencave, merr para nga konferenca pompoze dhe për çdo udhëtim në Shqipëri, merr pagesë si drejtues në një universitet privat dhe financim nga AADF për bordin shkencor të programit READ.

Sipas Mukës, dhurata që i bën Merkoçi Shqipërisë është firma për të propozuar Skënder Gjinushin kryetar të Akademisë së Shkencave.

Muka thotë se në rastin e Merkoçit, Shqipëria investon ndërsa kreditet i merr Spanja.

“Një akademik shqiptar nga Spanja është prova perfekte se si diaspora shpërblehet që të përdoret si propagandë.

-Merr rrogë fikse nga Akademia e Shkencave e Shqipërisë.

-Merr para për konferenca pompoze (mbi 20 mijë euro) dhe çdo udhëtim në Shqipëri.

-Merr pagesë si "drejtues" i një dege në universitet privat.

-Merr financim nga AADF për bordin shkencor të programit READ.

..etj etj

Pra, Shqipëria investon. Investon. Investon.

Kur publikon artikuj shkencorë, afiliacioni i tij është vetëm Spanja, aty ku punon.

Kur del në media, thotë:

"Shkencës shqiptare i duhen më shumë para."

Dhe dhurata më e madhe për Shqipërinë?

Firma për të propozuar Skënder Gjinushin kryetar të Akademisë së Shkencave

Me pak fjalë:

Shqipëria paguan abonimin. Spanja merr kreditet. Dhe diaspora përdoret si reklama që shkenca shqiptare po ecën përpara, ndërkohë që parametrat tregojnë statusquo”, shkruan Muka./ CNA





Lajmet e fundit nga