web counter
LEXO PA REKLAMA!

SHKARKO APP

App Store
Google Play

Braçe, kritika bashkisë së Tiranës: Punët nuk po bëhen

10 Maj 2026, 22:23, Aktualitet CNA

Braçe, kritika bashkisë së Tiranës: Punët nuk po

Deputeti i PS-së, Erion Braçe, i cili u vetëofrua si kandidat për bashkinë Tiranë, ka shprehur sërish kritika për drejtimin e institucionit.

Në reagimin e tij në rrjetet sociale, Braçe shkruan se punët nuk po bëhen, shqetësimet nuk marrin përgjigje dhe hallet e qytetarëve nuk po zgjidhen.

Më tej, Braçe vijon me “fushatën” e tij, ku thotë se punët e Tiranës do t’i bëjë vetë dhe se nuk duhet humbur kohë për propagandë.  

Reagimi i plotë:

TRE GJËRA PËR JAVËN

UNË PA NJERËZ? JOOOO, ME NJERËZ PLOT, POR UNË NUK ABUZOJ ME TA!
KUR PUNA NUK BËHET, NUK E BËJNË, DUHET TA BËSH VETË, PUNËN DO BËJ!
KA KOHË, PSE E NISE KAQ SHPEJT? JOOOO, NUK KA KOHË, PËR PUNËN KOHA KA MBARUAR!
E para, më pyesin pse dal vetëm-ku i ke njerëzit, më thonë. Me njerëz jam, plotë. Në çdo video ata janë rreth meje, MADJE MADJE ATA MË SJELLIN NË TERRITOR, NË LAGJE, BLLOQE, RRUGË E RRUGICA; ata më thërrasin e unë përgjigjem, në këmbë kudo; DUAN TË MË TREGOJNË HALLIN, SHQETËSIMIN QË JU PRISH E NXIN JETËN; duan që unë ta shoh në vend dhe unë për këtë shkoj; DUAN T’I JAP ZË HALLIT TË TYRE NGA ATY DHE UNË ATË BËJ; do vijoj ta bëj tani, do ta bëj çdo ditë, deri në fund. SOT KËSHTU, NË BASHKI PA FJALË, PA FILMA, ME VEPRA!

Në anë tjetër, unë nuk dua të abuzoj me njerëzit, të bëj sikur, pra të shkoj në ministrinë e Mbrojtjes, Laprakë, Zall Bastar e të bëj sikur atë punën e bëra unë; unë e refuzoj personalizimin e pushtetit!

E dyta, u bënë disa muaj që kemi ngritur një grup pune për PUNËT E TIRANËS, grup në të cilin drejtuesja politike është thuajse kryetarja në detyrë e bashkisë së Tiranës; problemi është që përsëri punët nuk ecin, nuk bëhen, shqetësimet nuk marrin përgjigje, hallet nuk zgjidhen; nganjëherë shkoj atje dhe më duket vetja si në kurth, e pranoj dhe këtë që punët të bëhen; POR PUNËT, JO VETËM TË PESËS POR TË TË GJITHË TIRANËS NUK BËHEN. Atëherë kur puna nuk bëhet, nuk e bëjnë, duhet ta bësh vetë dhe UNË KËTË DO BËJ.

E treta, po e dëgjoj gjithnjë e më shpesh këtë shprehjen “PO ËSHTË SHPEJT, NUK ËSHTË KOHA TANI, KA KOHË PLOTË”! Ouuu? Për çfarë ka kohë? Për propagandë? PËR QOKË? Joooo, faleminderit! KOHË PËR PUNËT NË TIRANË NUK KA, KOHA PËR PUNËT KA MBARUAR! OSE ËSHTË TANI, OSE DITË TJETËR NUK KA! Kjo marrja me nge e punëve, në ekuilibër e pa prishur rehatinë e udhëheqësve të çdo niveli, TË NGRE NERVAT; sepse janë njerëz ata që presin e presin që udhëheqësit të PRISHIN REHATIN! /CNA





Lajmet e fundit nga