web counter
LEXO PA REKLAMA!

SHKARKO APP

App Store
Google Play

E fundit!

x

Muka shënjestron Merkoçin/ Replika virtuale, Erion Dasho: Jep Cezarit atë që i takon

11 Maj 2026, 08:00, Aktualitet CNA

Muka shënjestron Merkoçin/ Replika virtuale, Erion Dasho: Jep

Mjeku Erion Dasho i përgjigjet Taulant Mukës për akuzat ndaj akademikut Arben Merkoçi.

Sipas mjekut, ka shumë shqiptarë të suksesshëm në botë të cilët kanë zgjedhur të mos konfrontohen me drejtuesit politikë, në funksion të zbatimit të projekteve zhvillimore që kanë për Shqipërinë.

Dasho ka sjellë shembullin e Rifat Latifit i cili teksa merrej me një projekt mjaft të rëndësishëm për Shqipërinë kishte pësuar humbje personale dhjetëra mijë dollar në vit.

Mjeku thekson se një profesionist i suksesshëm në çdo fushë, bën sakrificë jo të vogël kur përpiqet të iniciojë diçka në një vend të prapambetur shkencërisht si Shqipëria, ndaj sipas tij duhet t’i jepet Cezarit atë që i takon.

“Taulant, në këtë pikë dëshiroj të debatoj me ty. Ka shumë shqiptarë të suksesshëm në botë (ku hyn edhe akademiku në fjalë) të cilët kanë zgjedhur të mos konfrontohen me drejtuesit politikë, në funksion të zbatimit të projekteve zhvillimore që kanë për Shqipërinë. Personalisht kam punuar me një prej tyre, Rifat Latifin. Në kohën kur zbatonim së bashku Programin e Telemjeksisë, Rifati kishte humbje personale disa dhjetëra mijë dollarë në vit. Kjo sepse 20% të kohës paguhej si Drejtor i Programit të Telemjeksisë, dhe paga për këtë 20% ishte shumë më e ulët se paga si kirurg në SHBA. Përgjithësisht, një profesionist i suksesshëm në çdo fushë, bën sakrificë jo të vogël kur përpiqet të iniciojë diçka në një vend të prapambetur shkencërisht si Shqipëria. Përsa i takon dilemës morale, këndvështrimit politik e social, etj., këto janë zgjedhje të vetë personit, të cilat mund të kritikohen të ndara nga aspekti shkencor. Me një fjali, "Jepi Cezarit atë që i takon Cezarit"”, shkruan Dasho./ CNA





Lajmet e fundit nga