web counter
LEXO PA REKLAMA!

SHKARKO APP

App Store
Google Play

E fundit!

x

Malkaj: Artistët në Shqipëri trajtohen si mjet argëtimi, jo si vlerë kombëtare

11 Maj 2026, 09:59, Aktualitet CNA

Malkaj: Artistët në Shqipëri trajtohen si mjet argëtimi, jo

Aktori Mehdi Malkaj ka shprehur kritika për mënyrën se si artistët trajtohen në Shqipëri. Në një intervistë për emisionin “Kafe Shqeto” në "Syri TV", Malkaj u shpreh se artistët konsiderohen si mjet argëtimi dhe jo si vlerë kombëtare.

Sipas tij, kryeministri Edi Rama thotë se të gjithë janë të lirë të flasin çfarë të duan dhe në momentin që flitet i pushohen nga puna njerëzit e afërm.

“E vërteta është kjo që neve artistëve na konsiderojnë si mjet argëtimi, jo si vlerë kombëtare. Jo Mehdiun, artistët flas në përgjithësi, të gjithë. Hajde se kemi aheng. Hajde se ka ardhur... E po e ç'u bë në shesh para disa ditësh? Sa mund të jenë harxhuar atje 200.000, 200 milionë dollarë janë harxhuar atje për gjithë atë luks që donte, udhëheqësi ynë i ndritur dhe i dashur i popullit shqiptar, jo vetëm për gjatësinë e tij, por dhe për gjatësinë e mendjes së tij, ore nuk e ke idenë se sa shumë e duam. E po, mund ta kem gabim këtë. Se të gjithë intelektualët që thua zotrote, atë duan. Se u vjen turp që të shoqërohen me njerëzit që nuk janë, nuk janë të tillë. Jo. Se prishin biografinë. Ky kryeministri i dashur dhe i shtrenjtë ynë, ky thotë ti je i lirë të flasësh çfarë të duash edhe si të duash. Dhe ti flet. Të nesërmen i ke të pushuar nga puna të gjithë farefisin edhe ndonjë shok. Si jam i lirë unë? Si qenkam i lirë? Përse më trajton mua, si? Kur them mua, nuk kam parasysh veten. Kam parasysh të gjithë artistët. Por, artistët vetë, që mezi pritën, mezi kishin pritur që të ikte Berti, ikën dhe ikën dhe u justifikuan me atë që po, hajde se tani iku Berti. Po mirë o, Berti iku për vete. Ti pse s'ndejte? Dhe ne që ndenjtëm, e na bënin presion, po ike, ik se na le nam", tha Malkaj. 

Aktori kritikoi dhe heshtjen e intelektualëve, ndërsa tha se protesta dhe qëndresa qytetare mbeten e vetmja përgjigje ndaj një pushteti që sipas tij shpërfill interesin publik.

"Se u munduam që të krijojmë një model midis të tjerave që njeriu duhet të protestojë. Jo, duke mos i bërë bashkë, po, qëndrestarët janë të dënuar. Publiku ka gjetur një fjalë dhe atë përdor. Po hajde, po ç'më duhet mua? Është kjo, është dominante në këtë vend që quhet Shqipëri. Po ç'më duhet mua? Ç'më duhet mua? Po pse? Po kujt i duhet kur ty s'të duhet, mua s'më duhet, atij s'i duhet. Kujt i duhet? Dhe me këtë, ai ka vënë në popull, ka vënë në gjumë një popull të tërë. Ç'më duhet mua? Është e tmerrshme. Shiko, flitet shumë për intelektualët. Unë nuk e quaj veten intelektual, megjithëse kam lexuar shumë, lexoj, e kupton, dhe mundohem që të jem në korrent me ngjarjet që ndodhin në vendin tim. Po ku janë këta intelektualët? Cili intelektual është ngritur me një grup njerëzish dhe ka thënë, o njerëz kam nevojë për ndihmën tuaj. Do bëjmë këtë, këtë, këtë, këtë, këtë. Ku janë këta? Ke dëgjuar gjë ti që të ngrihen intelektualët? Jo. Unë kam thënë një gjë, intelektualët, dhe atëherë kur ishim në protestë në oborr të teatrit, vinin, zgjasnin kokën, bënin një foto apo një filmim, e dërgonin diku, se ku e dërgonin e dinë ata, edhe iknin. Kjo kishte të bënte me paratë. E bënë punën e vetë”, tha Malkaj. /CNA





Lajmet e fundit nga