web counter
LEXO PA REKLAMA!

SHKARKO APP

App Store
Google Play

Protesta e 17 prillit/ Gjykata e Apelit liron 5 protestuesit, Noka: Rama u ka borxh 25 ditë

11 Maj 2026, 11:34, Aktualitet CNA

Protesta e 17 prillit/ Gjykata e Apelit liron 5 protestuesit, Noka: Rama u ka

Gjykata e Apelit ka vendosur të lirojë nga burgu 5 protestuesit që u arrestuan pas protestës së 17 prillit.

Gjykata e Apelit u mblodh sot me kërkesë të palës mbrojtëse, e cila kërkoi lirimin nga qelia të pesë protestuesve që ndodheshin në masën e sigurisë “Arrest me burg”.

Pasi dëgjoi palët, gjyqtari Dritan Hasa vendosi ndryshimin e masës së sigurisë nga “Arrest me burg” në “Detyrim paraqitje në policinë gjyqësore” për Klement Çuçkën, Bujar Tushën, Henri Shapllon, Mirvet Tocillën dhe Semi Biçin.

Sekretari i Përgjithshëm i PD-së, Flamur Noka, u shpreh se 25 ditët e burgut, qytetarëve të pafajshëm ua ka borxh Edi Rama dhe Skënder Hita.

“25 ditë burg të pesë qytetarëve të pafajshëm ua ka borxh Edi Rama dhe Skënder Hita së bashku me banditët me dhe pa uniformë të policisë, pesë qytetarëve. Ua ka borxh këtë presion familjarëve të tyre dhe sigurisht opozita po mban shënim. Opozita mban shënim çdo narkopolic që firmos arrestime të paligjshme.

Mban shënim çdo presion që i bëhet gjykatës, sipas informacioneve tona, për të lënë në fuqi burgosjet e paligjshme, mban shënim çdo akt kriminal ndaj protestuesve dhe për këtë përgjegjës do të jenë vetëm dy: Edi Rama dhe Skënder Hita.

Protesta dhe kryengritja jonë paqësore do të vazhdojë deri në çrrënjosjen e narkoregjimit dhe derisa t'i hapet rrugë zgjidhjes politike për të për t'i ofruar Shqipërisë stabilitet. Me të gjitha këto veprime, Edi Rama së bashku me bandën e tij kriminale, po i ndihmojnë shumë dhe po investojnë për destabilitetin e vendit”, tha Noka./ CNA





Lajmet e fundit nga