web counter
LEXO PA REKLAMA!

SHKARKO APP

App Store
Google Play

E fundit!

x

Prokurimet Publike/ Kashta: Shqipëria u vlerësua në tri raporte ndërkombëtare

11 Maj 2026, 11:25, Aktualitet CNA

Prokurimet Publike/ Kashta: Shqipëria u vlerësua në tri raporte

Drejtoresha e Përgjithshme e Agjencisë së Prokurimit Publik, Reida Kashta, është shprehur se Shqipëria po negocion një marrëveshje të dytë globale.

Kashta u shpreh se është e rëndësishme që edhe Bashkimi Europian të japë dakordësinë për këtë marrëveshje. Ajo shtoi më tej se Shqipëria në vitin 2025 është vlerësuar për prokurorimet publike në tri raporte ndërkombëtare.

“Marrëveshja e dytë që po negociojmë është globale, shkon përtej BE-së. Por është me rëndësi që BE të japë 'OK' për këtë marrëveshje për prokurorimin publik. Në 2025 e kemi parë veten në raportin e SIGMA-s, raporti i PEFA-s që publikohet nga Banka Botërore, dhe për herë të parë Shqipëria bëhet pjese e një vlerësimit të portalit 'Open Tender EU'. Për herë të parë nga vlerësuesit e jashtëm është vendosur të bëhet vlerësim edhe për prokurorimet publike të Shqipërisë. Jemi të krahasueshëm me Malin e Zi, i cili ka mbyllur kapitullin 5. Por jemi më mirë se Mali i Zi që kemi miratuar ligjin për koncesionet. Këto janë nxitje për të vijuar punën në ata indikatorë që kemi punë për të bërë.

Vlerësimi në portalin 'Open Tender EU', Shqipëria është në nivele të krahasueshme edhe me vendet e BE-së. Në treguesin e transparencës, Shqipëria lë mbrapa 7 vendeve të BE-së. Kemi pasur edhe dy zhvillime të reja, procesi i profesionalizmit në prokurorimin publik dhe Metodologjia e Vlerësimit të Riskut të Korrupsionit në Prokurimin Publik. Gushti i këtij viti nuk duhet të ketë asnjë insituticion që nuk ka një person përgjegjës për prokurimin publik, të trajnuar dhe certifikuar. Në këtë metodologji risku, kemi arritur të ngremë këtë vlerësim në një nivel metodologjik”, tha Kashta. /CNA





Lajmet e fundit nga