web counter
LEXO PA REKLAMA!

SHKARKO APP

App Store
Google Play

E fundit!

x

Përurohen ambientet e reja të GJKKO-së/ Bani: Rritet funksionaliteti dhe cilësia e shërbimit

11 Maj 2026, 10:48, Aktualitet CNA

Përurohen ambientet e reja të GJKKO-së/ Bani: Rritet

Kryetari i Gjykatës së Posaçme, Erion Bani, ka mbajtur fjalën e tij në përurimin e ambienteve të reja të GJKKO-së. Bani u shpreh se ky transformim i ambienteve synon rritjen e funksionalitet dhe të cilësisë së shërbimit për qytetarët.

Ndër të tjera theksoi se rikonstruktimi i sallave të gjyqit është bërë në mënyrë që të garantojë rend dhe siguri.

Kreu i GJKKO-së shtoi më tej se investimi sjell një mesazh të fortë se pasuria e siguruar në mënyrë të paligjshme i rikthehet qytetarit në formën e shërbimit publik dhe garantimit të drejtësisë së pavarur.

“Ky transformim vjen si përgjegjësi institucionale dhe detyrim ndaj qytetarit. U vijua me hollet se ato janë kontakti i parë i qytetarit me Gjykatën. Ky proces nuk u ndal vetëm te sallat dhe hollet, ndërhyrja u shtri edhe në ambiente të tjera të rëndësishme, zyrë mediaje dhe zyra gjyqtarësh. Transformim që synon rritjen e funksionalitetit dhe rritjen e cilësisë së shërbimit. Media ka një rol në informimin e publikut prandaj krijimi i ambientit për gazetarët e sheh si pjesë të kulturës institucionale. Është krijuar një ambient për dëshmitarët të cilët duhet të ndihen të sigurtë dhe të mbrojtur. Në projektimet e një salle gjykimi kemi pasur parasysh edhe standardet ndërkombëtare. E rëndësishme që salla e gjykimit të garantojë rendin dhe sigurinë. Janë krijuar kushte që persona të paraburgosur të marrin pjesë në seancë të sigurt dhe duke ju respektuar të drejtat. Një gjykatë e sigurt është më funksionale dhe më e pavarur. Ambientet e GJKKO-së kanë një rëndësi të veçantë jo vetëm financiare, por edhe simbolike. Ky investim sjell një mesazh të qartë, pasuria e siguruar në mënyrë të paligjshme i rikthehet qytetarit në formën e shërbimit publik dhe drejtësisë", tha Bani. /CNA





Lajmet e fundit nga