web counter
LEXO PA REKLAMA!

SHKARKO APP

App Store
Google Play

E fundit!

x

Rama: AKSHI do të funksionojë i ndarë me një shoqëri të re publike

11 Maj 2026, 11:57, Aktualitet CNA

Rama: AKSHI do të funksionojë i ndarë me një shoqëri

Kryeministri Edi Rama ka bërë me dije në konferencën e sotme për mediat se Agjencia Kombëtare e Shoqërisë së Informacionit (AKSHI) do të funksionojë e ndarë me shoqërinë e re publike “Albanian Digital Solution”.

Ai u shpreh se kjo kompani do të jetë 100% shtetërore dhe që synon të jetë një forcë udhëheqëse në tregun e teknologjisë.

“AKSHI nuk është më një dhe i vetëm, do të funksionojë i ndarë me një shoqëri të re publike 'Albanian Digital Solution' që do të jetë një kompani 100% shtetërore që do të synojë të rekrutojë më të mirët e tregut dhe të jetë një forcë udhëheqëse në tregun e teknologjisë dhe të jetë forca që shtyn agjendën e një shteti që po transformohet dhe me teknologjinë po bën kapërcime në të gjitha fushat. Te kursimet ka një rol të posaçëm operatori i blerjeve të përqendruara saqë na ka mundësuar që të mos bëjmë më tenderë në ministri dhe njëkohësisht një pjesë e madhe e tenderëve të spostohen nga agjencitë dhe pushteti vendor. Ka filluar një proces dialogu me operatorin për të realizuar procese më të komplikuara sesa u duken atyre që nuk dinë shpeshherë se ça flasin”, tha Rama. /CNA





Lajmet e fundit nga