web counter
LEXO PA REKLAMA!

SHKARKO APP

App Store
Google Play

I hetuar nga SPAK-u/ Rama merr në mbrojtje ish-kreun e KPP-së

11 Maj 2026, 12:26, Aktualitet CNA

I hetuar nga SPAK-u/ Rama merr në mbrojtje ish-kreun e KPP-së

Në konferencën e sotme për mediat, kryeministri Edi Rama komentoi reagimet për hetimet e SPAK-ut ndaj ish-kreut të Komisionit të Prokurorimeve Publike, Jonaid Myzyri.

Sipas Ramës, Myzyri u sulmua në mënyrë të padrejtë, edhe pse u hetua për shkelje të barazisë në tenderë.

“Njeriu që transformoi Komisionin e Prokurimit Publik u bë target i baltës për një periudhë kohe, pasi siç ndodh për një shtet me drejtësi të pavarur u mor në hetim pas një denoncimi. Dhe pas hetimit rezultoi se ishte pa asnjë lloj faji. Por balta që iu hodh për ta shkatërruar personalisht dhe familjarisht e bëri të vetën. Dhe nuk ka pasur asnjë kërkesë faljeje për atë që i kanë bërë atij njeriu", tha Rama. 

Në prill të këtij viti, Prokuroria e Posaçme i bëri kërkesë Gjykatës së Posaçme për pushimin e çështjes në ngarkim të ish-kreut të KPP-së, Jonaid Myzyrit. Ai u mor i pandehur nga SPAK-u për veprën penale të shkeljes së barazisë në tenderë apo ankande publike, kryer në bashkëpunim.

Myzyri u hetua në lidhje me një procedurë tenderuese me vlerë rreth 2.2 milionë euro, të zhvilluar në vitin 2020 për mirëmbajtjen e segmentit rrugor Rrëshen-Shpal, Shpal-Qafë Bene-Hadroj dhe Shpal-Ura e Repsit, me gjatësi totale rreth 59 kilometra. Ndërkohë u pezullua nga detyra me vendim të Gjykatës së Posaçme. /CNA





Lajmet e fundit nga