E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Meta nuk lirohet/ Prokurori i SPAK-ut: Vendimi i Gjykatës së Lartë nuk sjell asgjë të re

11 Maj 2026, 13:08, Aktualitet CNA

Meta nuk lirohet/ Prokurori i SPAK-ut: Vendimi i Gjykatës së

Avokati i ish-presidentit Ilir Meta, Kujtim Cakrani, ka përdorur vendimin e fundit të Kolegjeve të Bashkuara të Gjykatës së Lartë për të kërkuar zëvendësim të masës së sigurisë për kreun e Partisë së Lirisë.

Gjatë seancës, Cakrani ka përmendur rastin e ish-drejtoreshës së AKSHI-t duke thënë se ajo tashmë është në "detyrim me paraqitje", ndërsa Meta ka më shumë se një vit në burg.

SPAK-u ka kundërshtuar kërkesën e paraqitur nga avokati i Metës, duke theksuar se vendimi i Kolegjeve të Bashkuara të Gjykatës së Lartë nuk sjell asgjë të re në këtë proces.

Prokurori Sotir Kllapi ka deklaruar në seancë se mbrojtja nuk ka paraqitur asnjë provë për zëvendësimin e masës, për zbutjen e nevojave të sigurimit apo për dyshimin e arsyeshëm dhe si rrjedhojë nuk ka kushte apo rrethana për zëvendësim mase.

“Vendimi i Kolegjit të Bashkuar të Gjykatës së Lartë nuk sjell asgjë të re në këtë proces. Mbrojtja nuk paraqiti asnjë provë për zëvendësimin e masës, për zbutjen e nevojave të sigurimit apo për dyshimin e arsyeshëm. Nuk ka kushte apo rrethana për zëvendësim mase”, u shpreh prokurori Kllapi.

Kolegjet e Bashkuara të Gjykatës së Lartë më 4 maj rrëzuan Sokol Sadushin në lidhje me ndryshimin e pjesshëm të praktikës së njësuar.

Në vendimin e shpallur u vendosën vetëm ndërhyrje dhe saktësime në vendimin e mëparshëm të praktikës së njësuar për masat e sigurisë, duke mos prishur vendimin e vitit 2011.

Pra, u bë thjesht dhe vetëm një "update", një rifreskim që nuk bën asgjë më tepër përveçse lë në fuqi vendimin e Kolegjeve të Bashkuara të datës 14.10.2011.

Kolegjet e Bashkuara lanë në fuqi vendimin për të ndjekur praktikën e vendosur në vitin 2011 dhe për të mos ia lënë baltën në fytyrë Sokol Sadushit apo turpin e ndërhyrjes së tij “të dhunshme” për të marrë një vendim të ndërmjetëm që në fund i shërbente vetëm Erion Veliajt./ CNA