Fermerët: Të prodhohen farëra që u përshtaten kushteve të reja të klimës

9 Nëntor 2022, 17:36, Aktualitet CNA

Fermerët: Të prodhohen farëra që u përshtaten kushteve

Foto nga takimi

Ndryshimet klimatike janë tashmë realitet. Natyra është bërë më agresive, më e paqëndrueshme dhe Sektori i bujqësisë, si një nga sektorët më të prekur nga ndryshimet klimatike, është vënë në fokus nga ambientalistët për ta përshtatur me këto kushte te reja.

Në kuadër të projektit “Përshtatja e bujqësisë, si sfidë përballë ndryshimeve të klimës”, u zhvillua një takim informues me fermerë në Sukth të Durrësit.

Fermerët u njohën fillimisht me projektin, qëllimin dhe çfarë synon ai të realizojë dhe rëndësinë e informimit të fermerëve për fenomenin e ndryshimeve kilimatike dhe pasosjat që ato prodhojnë në sektorin e bujqësisë, si më i ekspozuari drejtpërdrejtë me këto ndryshime.

Profesori Albert Kopali, prezantoi informacionet mbi fenomenin e ndryshimeve klimatike në nivel global, projeksionet e studiuesve të fushës, për të ardhmen e afrërt dhe të largët si dhe ku gjendet vendi ynë në këtë projeksion.

Fermerët: Të prodhohen farëra që u përshtaten kushteve

Ai renditi disa nga pasojat e drejtpërdrejta të sektorit të bujqësisë nga ndryshimet e klimës, si:

-Reduktimi rezervës ujore;

-Ndryshimi i ciklit biologjik të bimëve;

-Zgjatja e sezonit të thatë dhe të nxehtë të verës;

-Çrregullimi i reshjeve dhe rritja e rrezikut të përmbytjeve.

Në kushtet e rënies së çmimit të drithrave, fermerët pohuan se nuk dinë se si të orientohen, ëfarë të mbjellin për të siguruar të ardhura, ndaj dhe secili ka mbjellë sipas interesit, mundësisë dhe njohurive që ka, duke krijuar një bujqësi të pa orientuar. Por sipas tyre, jo ëdo gjë që është mbjellë ka rezultuar produktive.

Për këtë arsye, edhe banorët e Synejit kërkuan më shumë mbështetje nga qeveria, jo thjeshtë financiare. Më konkretisht, ata kërkuan:

-Shtimin e numrit të specialistëve të agronomisë dhe trajnimin e tyre për të dhënë konsulencë edhe për llojet e farërave dhe fidanëve frutorë që duhen mbjellë në zonën e tyre.

Fermerët: Të prodhohen farëra që u përshtaten kushteve

-Ngritjen e instituteve(institucioneve) të kërkimit shkencor për të prodhuar farëra dhe fidanë frutorë që i përshtaten zonës së tyre.

-Orientimin e bujqësisë, në mënyrë që fermerët në një zonë të caktuar të mbjellin një kulturë, që i përshtatet më mirë zonës dhe kushteve të reja të klimës, pasi kjo mundëson edhe gjetjen e tregjeve më lehtë.

Ata thanë se nuk kanë informacion për farërat dhe fidanët që mbjellin, duke mos patur garanci për rezultatin e punës së tyre. Gjithashtu ata pohuan se nuk kanë ku të kërkojnë informacion dhe konsulencë për të orientuar në mbjelljen e farërave dhe kultivarëve që janë më të përshtatshëm me zonën e tyre, si dhe kërkuan që qeveria të mbështesë kërkimin shkencor për institucione që prodhojnë farëra autoktone që janë më të përshtatura me kushtet e klimës së zonës.

Projekti “Përshtatja e bujqësisë, si sfidë përballë ndryshimeve të klimës”, zhvillohet në kuadër të Green-AL, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN Institute for Habitat Development, VIS Albania, COSV - Cooperazione per lo Sviluppo, CISP Sviluppo dei Popoli./ CNA.al