LEXO PA REKLAMA!

SHKARKO APP

E fundit!

x

“Njoftimin për gjyq e kam marrë 20 minuta pas kërcënimit nga Rama”/ “Babalja” mashtron sërish

9 Nëntor 2022, 14:45, Aktualitet Dritor Pine

“Njoftimin për gjyq e kam marrë 20 minuta pas

Sot në Apelin e Tiranës do të duhet të zhvillohet seanca për deputetin e Partisë Demokratike, Ervin Salianjin dhe gazetarin Jetmir Olldashi. Çështja është e njohur nga të gjithë me nofkën e personazhit kryesor i cili u vu në shërbim të Salianjit, i njohur si "Babale".

Sot avokati mbrojtës i Olldashit ka kërkuar shtyrjen e seancës me argumentin se Olldashi ndodhet jashtë Shqipërisë.

Seanca e sotme nuk është surprizë për avokatët dhe të mbrojturit prej tyre.

Seanca e sotme është caktuar pas kërkesave të njëpasnjëshme të protagonistëve në një skenar që duket nuk paska mbaruar me filmimet me "Babalen".

Kështu prej gati 2 vjetësh, herë avokatët e herë të mbrojturit e tyre kërkojnë shtyrje të seancave.

Dhe gjykata pranon talljen duke u bërë pjesë e saj dhe cakton data të reja seancash.

“Njoftimin për gjyq e kam marrë 20 minuta pas

Më pas as avokatët as të mbrojturit e tyre nuk paraqesin objeksione për datën e re. Thjesht presin që 24 ore para saj, të shkruajnë kërkesën e re për një shtyrje tjetër.

Sot ishte radha e njërit prej të akuzuarve që të udhëtonte jasht shtetit tamam në ditën kur do zhvillohej seanca.

Por ajo që po ndodh është prova më e mirë se si një mashtrues ka operuar me atë skenar telekomedik.

Salianji nuk e paskësh ditur fare që sot ishte seanca ndaj tij.

Atij zhvillimin e seancës ia paska njoftuar gjykata 20 minuta pasi Rama foli në Kuvend.

"Janë miliona dollarë që do kalojnë në xhepat e njerëzve rreth tij tashmë para zgjedhjeve. E dëgjuat të folurën e tij, ofendimet, është plakur në mënyrë të keqe mesa duket. Kryeministri mendon se më kërcënon duke përmendur një proces gjyqësor që e ka hapur vetë. Vetëm 20 minuta pasi ai e bëri këtë kërcënim, më erdhi dhe njoftimi nga gjykata e Apelit, sigurisht që unë do të shkoj në gjyq. Por mua nuk më tremb. Ai mendon se është me ata që ka rreth e rrotull dhe i sjell vërdallë si kukulla. Këtu janë të gjithë të tredhur e nuk i përgjigjen. Përballja, portesta do të bëjë që një kryeministër që është i shfazuar të vijë në binare. I ftoj të gjithë të marrin pjesë në protestën e 12 nëntorit"- tha Salianji, ndërsa u nis drejt gjykatës.

Për këtë arsye nuk paskan shkuar për kafe rrotull gjykatës, as deputetët e shoqërisë së Salianjit.

Por Gjyqi nuk mund të shtyhet më!

Gjykata mund të thërrasë avokat kryesisht nga zyra e ndihmës juridike, për "Babalet" që ju sëmuren avokatët.

Gjyqi nuk mund të shtyhet pafundësisht.

Gjyqi mund të zhvillohet edhe në mungesë të të akuzuarve që kanë udhëtime më të rëndësishme sesa gjyqi që vendos për fatin e tyre.

Atij dhe të tjerëve, nëse mbeten pa avokat për çfarëdolloj arsyeje, duhet t'u sigurohet mbrojtja me avokat nga lista e shërbimit të ndihmës ligjore.

Kaq e thjeshtë është./CNA.al

Lajmet e fundit nga