LEXO PA REKLAMA!

SHKARKO APP

Shqiptarët, me gomone drejt Anglisë/ Ambasadorja franceze: Duhet trajtuar nga vendet e BE-së

9 Nëntor 2022, 17:05, Aktualitet CNA
Shqiptarët, me gomone drejt Anglisë/ Ambasadorja franceze: Duhet
Ambasadorja e Francës në Shqipëri, Elisabeth Barsacq

Ambasadorja e Francës në Shqipëri, Elisabeth Barsacq, ka komentuar largimin e shqiptarëve nëpërmjet kanalit të La Manshit drejt Britanisë së Madhe.

E pyetur nga gazetarët nëse do të ketë një marrëveshje për të ndaluar emigracionin e paligjshëm të shqiptarëve, diplomatja tha se kjo është një çështje që duhet trajtuar edhe nga vendet e BE-së.

Elisabeth Barsacq deklaroi nga Korça emigracioni i paligjshëm është një çështje që nuk mund të zgjidhet apo diskutohet vetëm në gjirin e një shteti, siç është Anglia.

“Përballë Britanisë nuk është vetëm Franca si kufi, ajo ndan kufirin detar edhe me 3 vende të tjera (Belgjika, Holanda dhe Gjermania).

Çështjet duhen trajtuar jo vetëm nga Britania e Madhe, por edhe nga vendet e BE-së. Është një çështje që nuk mund të zgjidhet apo diskutohet vetëm në gjirin e një shteti, siç është Anglia.

Dua të theksoj se Franca është anëtare e Bashkimit Europian dhe si e tillë ajo nuk mund të trajtojë çështje të ndryshme në marrëdhënie dypalëshe. Ato trajtohen në gjirin e gjithë shteteve të BE, kjo është situata, kjo është zgjidhja”, theksoi ambasadorja franceze./B.A. - CNA.al

Lajmet e fundit nga