web counter
LEXO PA REKLAMA!

SHKARKO APP

App Store
Google Play

E fundit!

x

Do të zëvendësojë Grida Dumën në Parlament?/ Reagon për herë të parë Ori Nebiaj

9 Nëntor 2022, 18:42, Aktualitet CNA
Do të zëvendësojë Grida Dumën në Parlament?/
Moderatorja Ori Nebiaj

Moderatorja Ori Nebiaj ka reaguar në lidhje me mandatin e deputetes pas dorëheqjes së Grida Dumës një ditë më parë.

Ndonëse në media u përfol se moderatorja e ka pranuar mandatin, Nebiaj thotë se ende nuk ka marrë një vendim përfundimtar.

Me anë të një statusi në rrjetet sociale, ajo deklaron se i duhet më shumë kohë të marrë një vendim për shkak edhe të kontratës së lidhur me punën e saj.

"Kur u përfshiva në politikë pata kohën e duhur për t'u menduar e për të marrë vendimin për t'u angazhuar në fushatë. E bëra me gjithë zemër jo vetëm për të mbështetur forcën time politike por edhe ata mijëra njerëz që me votën e tyre e përkrahën angazhimin tim politik. Për shkak të ngjarjeve që kanë ndodhur ditët e fundit çështje e mandatit është rikthyer me një peshë e përgjegjësi edhe më të madhe për mua. Por përtej titujve që kanë pushtuar portalet dhe me gjithë rrethanat e ndryshuara më duhet të marrë sërish kohën time për të arritur në një vendimmarrje që të jetë në baraspeshë me besimin që mijëra votues më dhanë në zgjedhje por edhe me marrëdhënien me kontratën që kam me familjen time mediatike. Çdo gjë në jetë do kohën e saj...

Ori Nebiaj ishte e 18-ta në listën e kandidatëve për deputetë të PD-së, në Tiranë. Pavarësisht se mori rreth 5600 vota, ajo nuk u zgjodh deputete përmes thyerjes së herësit dhe demokratët nxorën 15 deputetë nga kryeqyteti. Por me vendimin që mori dje Duma, duket se tani Kuvendi ka një vend për moderatoren, e cila drejton programin "Për'puthen" në TopChannel", shkruan moderatorja.

Kujtojmë se deputetja e Partisë Demokratike në qarkun e Tiranës, Grida Duma, një ditë më parë njoftoi se ka dorëzuar mandatin, që mori në zgjedhjet e 25 prillit.

Mandati i Grida Dumës i kalonte Ori Nebiajt të "Perputhen", pasi në zgjedhjet e 2021-shit ka siguruar 5599 vota preferenciale./ B.A. - CNA.al

Do të zëvendësojë Grida Dumën në Parlament?/





Lajmet e fundit nga