web counter
LEXO PA REKLAMA!

SHKARKO APP

App Store
Google Play

Mega-operacion policor në Korçë/ Kapen dy bidona vaj e dy pako miell

11 Maj 2022, 13:13, Aktualitet CNA

Një tjetër mega-operacion raportohet nga Policia e Korçës.

Këtë radhë më i fuqishëm se ai i kapjes së një deleje, pak ditë më parë.

CNA.al mëson se kanë kapur plot dy bidona vaj e dy pako miell dhe i kanë futur në listën e produkteve të zëna kontrabandë për t?u shpërndarë më pas mediave si sukses i padiskutueshëm.

Vetëm se në komunikatë janë kujdesur të mos i specifikojnë produktet e ndaluara, si për t?u treguar modestë me finalizimin e këtij mega-operacioni.

Drejtori i Përgjithshëm i Policisë, Gledis Nano, në këto rrethana, duhet të ketë gati medalje e dekorata se Policia e Korçës po bën namin me rezultate të jashtëzakonshme.

Në mos Nano, Presidenti Ilir Meta, s?mund të largohet nga detyra pa i dhënë një medalje e titull Policisë së Korçës.

Për transparencë  dhe duke qenë gjithë ajo e punë e madhe e Policisë, po pasqyrojmë njoftimin zyrtar, që të marrin shembull edhe Drejtoritë e Policisë në rrethe të  tjera.

??nga këto struktura u referuan materialet në Prokurori, për veprën penale ?Kontrabanda me mallra të tjera?, në ngarkim të shtetasit K. T., 44 vjeç, banues në fshatin Buçimas, Pogradec, pasi në hyrje të qytetit të Pogradecit, u kap me mjetin tip ?Benz?, gjatë kontrollit të të cilit iu gjetën dhe iu sekuestruan një sasi mallrash të ndryshme ushqimore, të dyshuara kontrabandë?, njofton Policia./CNA.al





Lajmet e fundit nga