LEXO PA REKLAMA!

SHKARKO APP

Gazetari denoncon me video/ Makinat nuk u japin përparësi prindërve me fëmijë në vija të bardha

11 Maj 2022, 17:40, Aktualitet CNA

Gazetari Arsen Rusta ka denoncuar me video dy raste të nënave me fëmijë dhe këmbësorëve që nuk marrin përparësi nga automjetet në vijat e bardha.

Në video shihen që këmbësorët tentojnë të dalin në anën tjetër të rrugës, por ndonëse janë në vija të bardha, makinat vazhdojnë të kalojnë.

Rusta thotë se ende pa kaluar nga vëmendja aksidenti në Rrugën e Kavajës, shoferët në rrugët e Tiranës vazhdojnë të rrezikojnë prindër me fëmijë.

?Frika për të kaluar rrugën!

Prindërit e fëmijës tre muaj ende s?kanë dalë nga gjendja kritike e spitali!!!

Në rrugët e Tiranës shoferët vrasës rrezikojnë ende prindër me fëmijë!!!

A jeni njerëz o mostra? Për ku nxitoni? Të çoni njerëz në varreza apo veten në burg o të marrë!

Klasifikimi vrasje rrugore është zgjidhja e vetme. Këtyre s?ja u ndjen për gjoba?, shkruan gazetari në rrjetet sociale.

Ndërkohë, kujtojmë se disa ditë më parë Shqipëria u trondit nga aksidentimi i çiftit Konomi me foshnjën 3-muajshe, te Rruga e Kavajës.

Dy prindërit janë ende në spitalin e Traumës, ndërsa foshnja ka marrë vetëm një gërvisthje te syri. Nga ana tjetër, për këtë ngjarje është arrestuar drejtuesi i makinës luksoze tip “G-Class”, Ajas Sulejmani./ CNA.al

Lajmet e fundit nga