web counter
LEXO PA REKLAMA!

SHKARKO APP

App Store
Google Play

Masivizimi i “shtëpive të barit” në Shqipëri/ Artan Hoxha tregon shkakun

11 Maj 2022, 19:32, Aktualitet CNA

Gazetari investigativ, Artan Hoxha, ka folur mbrëmjen e sotme për kanabizimin e vendit.

Në një intervistë për media, ai tha se kjo eksperiencë erdhi nga shqiptarët që kishin punuar më parë në Angli, ndërsa shtoi se masivizimi erdhi pasi u rrit kërkesa në tregun e brendshëm.

?Specialiteti i Shqipërisë ka qenë kultivimi i kanabisit në ambient, i famshëm mbeti Lazarati sepse u bë i rëndësishëm se nuk hyhej. Në Shqipëri ka pasur kanabis që nga 94-a. Policia e Shtetit për shkak edhe të kushteve që ka Shqipëria për t’u anëtarësuar në BE e rriti monitorimin, e monitoronte nga ajri nga toka, hartuan një strategji kombëtare. Sa më shumë rriteshin kontrollet, aq më i vështirë bëhej kultivimi në ambiente të hapura.

Një pjesë e mirë e shqiptarëve që vinin nga Britania e Madhe ishin specializuar për kultivimin e kanabisit në ambientet e mbyllura. Një pjesë e mirë e atyre atje krijuan probleme pasi kishin hyrë në mënyrë të paligjshme, rrezikonin të kapeshin nga policia u depërtuan, dhe ata nuk mund të ktheheshin më në Britani, dhe eksperiencën që morën aty, ata e sollën këtu siç shqiptarët mbjellin sot në ambiente të hapura në Spanjë, sepse e kanë mësuar në Shqipëri dhe shkojnë e mbjellin atje. Çfarë ndodhi?

Duke ardhur që andej ne sollëm specialistë të importuar në Shqipëri. Thashë u bë më masiv sepse duke filluar nga viti 2013, dhe filloi të zgjerohej në Shqipëri sepse kanabisi natyror kishte krijuar treg të brendshëm. Deri para dy muajsh një kilogram kanabis në ambientet e mbyllura kushtonte 2100 euro, masivizimi ka bërë që të bjerë çmimi në 1800 euro?, theksoi Hoxha./CNA.al





Lajmet e fundit nga