LEXO PA REKLAMA!

SHKARKO APP

E fundit!

x

Këshilli i Ministrave miraton marrëveshjen/ Patentat shqiptare njihen në Arabinë Saudite

11 Maj 2022, 16:21, Aktualitet CNA

Patentat shqiptare do të njihen në Arabinë Saudite dhe anasjelltas. Këshilli i Ministrave miratoi marrëveshjen e arritur me Arabinë Saudite, ndërsa vendimi hyn në fuqi pas botimit në ?Fletoren zyrtare?.

Kujtojmë se Shqipëria ka lidhur marrëveshje për njohjen e patentave edhe me Italinë, Greqinë, Maqedoninë e Veriut, Kroacinë, Malin e Zi, Kosovën, Serbinë dhe Emiratet. Po ashtu, nga 1 qershori, patentat shqiptare do të njihen edhe në Gjermani.

Vendimi i Këshillit të Ministrave:

Vendim

Për miratimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së mbretërisë së Arabisë Saudite, për njohjen e ndërsjellë të lejeve të drejtimit.

Në mbështetje të nenit 100 të Kushtetutës dhe të nenit 19, të ligjit nr.43/2016, ?Për marrëveshjet ndërkombëtare në Republikën e Shqipërisë?, me propozimin e ministrit të Infrastrukturës dhe Energjisë, Këshilli i Ministrave

Vendosi

Miratimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Mbretërisë së Arabisë Saudite, për njohjen e ndërsjellë të lejeve të drejtimit, sipas tekstit që i bashkëlidhet këtij vendimi. Ky vendim hyn në fuqi pas botimit në ?Fletoren zyrtare?./CNA.al

Lajmet e fundit nga