web counter
LEXO PA REKLAMA!

SHKARKO APP

App Store
Google Play

“Mbledhja e djeshme e Kryesisë është nul”/ Ivi Kaso: Komisioni i Rithemelit i vetmi organ zyrtar i PD-së

24 Mars 2022, 16:54, Politikë CNA

Anëtari i Komisionit të Rithemelimit Ivi Kaso, në një intervistë televizive në Top Talk, ka komentuar situatën brenda Partisë Demokratike dhe ndasitë që qendrojnë mes dy grupimeve të demokratëve. Ai shpjegoi se organi i vetëm zyrtar dhe përfaqësues i demokratëve është Komisioni i Rithemelimit. Ndërsa përballë vullnetit të shumicës së demokratëve, Kaso ka vendosur atë që e quajti një fraksion të vogël brenda PD-së që mbajnë peng selinë blu.

?Ndarja brenda PD shpjegohet me pasjen në njërin krah të vullnetit të qartë të demokratëve, të materializuar si të tillë në Kuvendin e datës 11 dhjetor, Kuvend në të cilën kanë marrë vendime të rëndësishme dhe është mandatuar organi i përkohshëm drejtues, i vetmi zyrtar dhe i njohur si i tillë nga demokratët që është Komisioni i Rithemelimit. Në këtë rast të vakancës, pasi Kuvendi i 11 dhjetori ka shkarkuar Lulzim Bashën, ka revokuar mbledhjen kostituuese të Kryesisë së partisë dhe në vakancë të njëkohshme të kryetarit dhe Kryesisë së partisë, Statuti që demokratët miratuan më 11 dhjetor parashikon Komisionin e Rithemelimit si organi i vetëm zyrtar dhe përfaqësues i vullnetit të tyre.

Nga ana tjetër kemi një vullnet që vijon i bashkangjitet qendrimit të një fraksioni të vogël brenda PD-së që ka uzurpuar vulën e selinë e partisë dhe vijojnë e mbajnë tituj e funskione që vijojnë e ja japin gjithmonë e më shumë vetes, ndërkohë që demokratët i kanë shkarkuar që më 11 dhjetor. Nga pikëpamja ligjorë dhe e dinamikës brenda partisë demokratike,çdo gjë që ka ndodhur përfshirë mbledhja e djeshme janë nul nga pikpamja politike dhe juridike?, u shpreh ai./ CNA.al





Lajmet e fundit nga