web counter
LEXO PA REKLAMA!

SHKARKO APP

App Store
Google Play

Balla injoron pikat e propozuara nga Alibeaj/ “Paketë e politikave të sheshta, i ka ikur koha”

24 Mars 2022, 13:55, Politikë CNA

Kreu i grupit parlamentar të PS, Taulant Balla, ka thënë se paketa e propozuar nga Enkelejd Alibeaj për përballimin e krizës, është një paketë e politikave të sheshta, që i ka ikur koha.

Sipas Ballës, opozita ka propozuar një paketë që duhet ta përballojnë si të pasurit dhe të varfërit njësoj.

Deputeti i Partisë Socialiste Taulant Balla tha se projektrezoluta e PD-së për qeverinë për rritjen e  çmimeve, është një paketë e politikave të sheshta, por sipas Ballës ka ikur kjo kohë.

?Sa i përket ndihmës ekonomike. Ju nuk e keni pasur mendjen, por buxheti është shumë më i mirë se ajo që keni propozuar ju. Kemi rritur ndihmën ekonomike. Kemi rritur 3 herë skemën e ndihmës ekonomike. Gjatë pandemisë paketa e solidaritetit përfshiu mbështetjen duke e dyfishuar. Qeveria paguan sot 80% të faturës së energjisë. S?ka qeveri sot në Evropë që të subvencionojë 80% të energjisë për familjet. Kompensimi me 30 mijë lekë, që disa prej jush u tallën ndihmon qytetarët mos të ndjejnë rritjen e çmimeve. Ju keni ardhur këtu me një paketë e politikave të sheshta, por kësaj i ka ikur koha. Keni ardhur këtu me një paketë që duhet ta përballojnë si të pasurit si të varfërit njësoj?, tha Balla./CNA.al





Lajmet e fundit nga