web counter
LEXO PA REKLAMA!

SHKARKO APP

App Store
Google Play

“Berisha përfaqëson opozitarizmin”/ Balliu: Kriza në PD, pasojë e mosrespektimit të parimeve të demokracisë

24 Mars 2022, 16:24, Politikë CNA

Anëtari i Komisionit të Rithemelimit, Klevis Balliu, në një studio televizive ka folur në lidhje me situatën brenda Partisë Demokratike dhe garën për kryetarin e ri të kësaj partie. Sa i përket kandidaturës së ish kryeministrit Sali Berisha dhe kërkesës së grupit mbështetës të Bashës për moskandidim, Balliu tha se kjo është një kërkesë absurde, pasi sipas tij Berisha përfaqëson opozitarizmin.

?Aktualisht PD-ja është në proces zgjedhor dhe në të gjitha seksionet, grup seksionet dhe degët është hapur gara për kryetarë në të gjithë Shqipërinë. Grupi Parlamentar ka mundësinë të hapi një diskutim të vërtetë. Vetëm atëherë mund të shohim nëse do të kemi një diskutim të vërtetë dhe real. Blofet apo kushtet e pajustifikueshme nga individë të caktuar, janë lojëra politike të shëmtuara dhe pazare në kurriz të demokratëve. Kërkesa për largimin e zotit Berisha nga gara është një absurditet. Të kërkoje largimin e Bashës ishte normale pasi ishte shkarkuar në referendum me 44 mijë votues. Në këtë aspekt pse të kërkosh largimin e zotit Berisha? Se ka votë? Se ka frymë? Se ka mbështetës sepse përfaqëson opozitarizmin??, u shpreh ai.

Krizën në PD Balliu e pa si pasojë e mos respektimit të parimeve të një sistemi demokratik, ndërsa propozimet sipas tij duhet të vijnëvetëm pasi të kenë kaluar fillimisht nga një dialog në Grupin Parlamentar të PD-së.

?Diskutimi dhe dialogu është mëse normal. Ka pasur mungesë në PD për mendimin ndryshe. Edhe kjo krizë vjen pasi nuk janë respektuar parimet e sistemit demokratik. Mbase mund të ketë propozime dhe janë të mirëpritura por këto duhet të vijnë pasi diskutohet dhe dialogohet me njëri tjetrin në Grupin Parlamentar si organi më i lartë politik i PD-së?, deklaroi ai./ CNA.al





Lajmet e fundit nga