LEXO PA REKLAMA!

SHKARKO APP

App Store
Google Play

Vendimi i Kushtetueses për Metën/ Dervishaj: Presidenti nuk ka konsumuar asnjë shkelje

16 Mars 2022, 19:29, Aktualitet CNA
Vendimi i Kushtetueses për Metën/ Dervishaj: Presidenti nuk ka

Këshilltari i Presidentit Ilir Meta, Bledar Dervishaj, ka komentuar zbardhjen e vendimit të Gjykatës Kushtetuese e cila shprehej se faktet e paraqitura nga mazhoranca si shkelje për rendin dhe sigurinë publike nga kreu i shtetit, nuk përbëjnë shkelje të Kushtetutës.

Dervishaj theksoi se Gjykata Kushtetuese bëri të qartë se veprimtaria e Metës ka qenë korrekte, ndërsa shtoi se Kuvendi u bashkua njësh me qeverinë dhe ndarja e balancimi i pushteteve nuk ekzistonte më.

?Presidenti nuk ka konsumuar asnjë shkelje, aq më pak një krim të rëndë. Kjo solli nga Kushtetuesja shfuqizimin e Kuvendit që i kërkoi gjykatës shkarkimin e kreut të shtetit. Kjo erdhi jo se Kuvendi nuk e njeh Kushtetutën, por qëllime të diktuara politikisht.

Presidenti ngeli i vetëm si autoritet kushtetues që mund të kishte autoritet të frenonte të paktën për aq sa kishte në dorë veprimtaritë ligjbërëse. Mazhoranca në mënyrë fiktive shkoi drejt një procesi shkarkimi, por që në fund e mbajti opinionin publik për 10 muaj me radhë se do shkarkohet Presidenti. Pas 10 muajsh të konsumuara energji kot, Kushtetuesja gjykoi se veprimtaria e Metës ka qenë korrekte.“tha Dervishaj./E.T-CNA.al

 

Lajmet e fundit nga