web counter
LEXO PA REKLAMA!

SHKARKO APP

App Store
Google Play

E fundit!

x

“Mos mbështesni më kryetarin e bravave”/ Hajdarmataj apel grave deputete të PD

9 Janar 2022, 10:21, Politikë CNA

Anëtarja e Komisionit të Rithemelimit, Mimoza Hajdarmataj, një ditë pas dhunës dhe helmimit me gaz lotsjellës të demorkatve iu ka bërë apel grave deputete të PD, të mos  mbështesin më kryetsrin e bravave, dyerve të blinduara dhe gazit lotsjellës.

Hajdarmataj iu bën thirrje të mos bien pre e ambicieve politike dhe interesave.

“Një ditë pas dhunës dhe helmimit të qindra mijëra demokratëve dhe demokrateve, në dyert dhe oborrin e shëpisë së tyre…

Apel për gratë deputete të PD.

Zonja deputete si ndjeheni ju sot?

Unë për vete e di se asnjë grua shqiptare aq më tepër demokrate nuk ndihet sot e qetë me terrorin që u urdhërua nga uzurpatori Lulzim Basha me ndihmën e patericës qeveritare Policisë së Shtetit.

Dhuna dhe forca, huri dhe gazi nuk janë gjuha e demokratëve, ato shuajnë shpresën për familjet dhe fëmijët tanë.

Të nderuara gra, deputete të PD!

Mos mbështesni më kryetarin e bravave, dyerve të blinduara dhe gazit lotsjellës.

Në karriget e përfaqësimit të sovranit jeni për shkak të votave të demokratëve dhe jo prej vullnetit të besëthyerit më të madh të demokratëve dhe gjithë sistemit. Tregoni dinjitet dhe integritet sikurse kanë treguar gratë dhe nënat e vërteta, demokratet në shpirt dhe në mentalitet, si në kohën e diktaturës komuniste, ashtu edhe në vitin e errrët ’97.

Mos bini prè e ambicjeve politike, interesave dhe influencave sado përfituese qofshin ato.

Sepse historia dhe vetë fëmijët tuaj do ju gjykojnë për Shqipërinë që po u lejmë dhe për modelin e qytetarit që po ju përcjellim!

Jini nëna para se të jini politikane kukulla !?, shkruan Hajdarmataj./CNA.al

 





Lajmet e fundit nga