LEXO PA REKLAMA!

SHKARKO APP

Dhuna ndaj demokratëve/ Dy fjalë kthjellimi nga Elona Caslli për protestën e 8 Janarit

9 Janar 2022, 08:37, Politikë CNA
Dhuna ndaj demokratëve/ Dy fjalë kthjellimi nga Elona Caslli për

Aktivistja Elona Caslli ka komentuar dhunën e ushtruar një ditë më parë në protestën e demokratëve.

Sipas Casllit, nëse ish kryeministri Sali Berisha do të donte të zgjidhte situatën në PD me dhunë do ta bënte këtë menjëherë pas përjashtimit të tij nga grupi parlamentar i PD.

Caslli thekson më tej se në protestë nuk u godit Berisha por demokracia e vendit.

Dy fjalë kthjellimi

Nëse Berisha do të kish dashur ta zgjidhte këtë çështje me dhunë,  mund ta kishte zgjidhur brenda 48 orëve pas përjashtimit të tij nga grupi parlamentar dhe këtë e di fort mirë i madh dhe i vogël. Nuk kishte pse t’i binte Shqipërisë rreth e rrotull për të zgjidhur diçka me dhunë.

Berisha është përtej Berishës dhe këtë e dëshmoi pamja e një burri me xhup blu, i goditur padrejtësisht me shkop pas koke, vetëm se po ngjiste shkallët për të hyrë në partinë e tij ku i kishin blinduar derën dhe po hynte nga dritarja. Ai burrë tha:

– Kam në Partinë Demokratike që në vitin 1990. Jam i persekutuar dhe nuk jam komunist. Këtë e tha më sy të përlotur dhe me kafkë të gjakosur.

Post Scriptum- Nuk u godit Berisha. U godit në aortë demokracia e këtij vendi. Ta reduktosh demokracinë e një vendi tek emri i Berishës duhet të jesh ose rilindas ose i marrë“, shkruan Elona Caslli./A.E-CNA.al

Lajmet e fundit nga