web counter
LEXO PA REKLAMA!

SHKARKO APP

App Store
Google Play

Skandali me të dhënat personale/ Balla tregon arsyen: Ky ishte qëllimi që u shpërndanë

28 Dhjetor 2021, 16:01, Politikë CNA

Për kreun e grupit parlamentar të PS Taulant Balla, skandali me shpërndarjen e të dhënve personale u bë me qëllim për të destabilizuar marrëdhëniet punëdhënës-punëmarrës.

Këtë deklaratë, Balla e bëri nga qyteti i Fierit, duke shtuar se me fillimin e seancës së radhës plenare do të ndryshojnë legjislacionin, në mënyrë që të jetë i përafërt me atë të BE.

?Prej disa muajsh është punuar nga disa ekspertë të fushës për të ndryshuar ligjin për mbrojtjen e të dhënave personave. Mendoj që është momenti i duhur për të ashpërsuar penalitetet ndaj kujtdo që i shpërdoron dhe i vë në rrezik marrëdhënien punëdhënës-punëmarrës sepse këto të dhëna i kanë shërbyer në mënyrën më të keqe një lloj konflikti mes punëdhënësit dhe punëmarrësit.

Unë mendoj që përafrimi i legjislacionit shqiptar me standardet e BE është një domosdoshmëri dhe besoj që në javët në vijim, sapo Kuvendi i Shqipërisë të fillojë punën, do të duhet që pasi të jetë marrë dhe opinioni i qeverisë dhe i Komisionit Europian me të cilin për çështjen e të dhënave personale që është një nga pjesët përbërëse për ato kapitujt për marrëveshjet për anëtarësim që Shqipëria do të negociojë me BE.

Ishte një përpjekje për të destabilizuar marrëdhëniet punëdhënës-punëmarrës dhe do të doja të shprehja ndjesën kujtdo që publikimi i këtyre të dhënave i ka shkaktuar të dhëna. Këto janë ngjarje që ndodhin në shumë vende?, deklaroi Balla./CNA.al





Lajmet e fundit nga